2 Ko 4:16 - Nouvo Testaman Kreol Morisien Harmonisation NTPS KM

¹⁶ Akoz sa nou pa perdi kouraz. Mem si nou kote fizik pe deteryore, nou kote spiritiel pe renouvle zour apre zour.

Nouvo Testaman dan Kreol Morisien

¹⁶ Akoz sa nou pa perdi kouraz. Mem si nou kote fizik pe deteryore, nou kote spiritiel pe renouvle zour apre zour.

2 Ko 4:16 Referans Kwoze

Let pou Kolosien 3:10

e zot finn adopte enn nouvo natir, ki pe kontign renouvle so konesans antan ki zimaz Bondie;

Let pou Romin 12:2

Pa rant dan moul sa lemond-la, me les Bondie transform zot par enn intelizans nouvo, pou ki zot kapav diserne ki volonte Bondie, setadir seki bon, seki agreab, seki parfe.

2 Ko 4:1

Parski par mizerikord Bondie, nou ena enn minister pou akonpli, nou pa kapav perdi kouraz.

Psom 73:26

Mo lekor ek mo lespri kapav febli me mo vre lafors se mo Bondie. Apart li, mo trezor eternel, mo pa bizin personn.

Ef 3:16

Mo dimann li, dapre rises so laglwar, ki li fortifie zot leker par so Lespri.

Let pou Romin 7:22

Dan mo leker mo pran plezir dan lalwa Bondie.

Let pou Tit 3:5

li finn sov nou. Pa akoz nou bann bon aksion me par so mizerikord. Li finn sov nou atraver delo ki donn enn nouvo nesans ek enn renouvelman par Lespri Sin.

Psom 27:13

Mwa mo sir mo pou trouv bonte LESEGNER isi dan sa lavi la.

1 Pi 3:4

me plito ena enn leker dou avek enn lespri trankil ki zame pa pou gate; e sa enn kado presie sorti depi leker Bondie.

Ef 4:23

Fode ki zot leker ek zot lespri renouvle konpletman.

1 Ko 15:58

Alor, mo bann frer ek ser, debout ferm. Pa les nanye destabiliz zot. Kontign progrese dan travay Lesegner, parski zot kone ki nanye pa perdi kan zot servi Lesegner.

Psom 51:10

Bondie, kree an mwa enn leker pir ek prop renouvel an mwa enn lespri nouvo ek lwayal.

2 Ko 12:15

Mwa mo kote, mo dispoze depans tou e depans momem pou zot. Eski zot pou mwins kontan mwa, si mo kontan zot ankor plis?

Lk 11:3

Donn nou sak zour dipin ki nou bizin.

Psom 119:81

Mo epwize telman mo atann to delivrans, mo finn met mo lespwar dan to parol.

1 Pi 4:14

Sa enn benediksion pou zot si zot pe gagn insilte akoz zot disip Kris, savedir Lespri Bondie ek Lespri so laglwar res ar zot.