2 Ko 4:11 - Nouvo Testaman Kreol Morisien Harmonisation NTPS KM

¹¹ An-efe, mem si nou vivan, nou touletan dan danze lamor akoz Zezi, pou ki so lavi revele dan nou lexistans mortel.

Nouvo Testaman dan Kreol Morisien

¹¹ Anefe, mem si nou vivan, nou toultan dan danze lamor akoz Zezi, pouki so lavi revele dan nou lexistans mortel.

2 Ko 4:11 Referans Kwoze

1 Ko 15:49

Parey kouma nou ti resanble dapre zom ki sorti dan later, parey nou pou kouma zom ki sorti lesiel.

Let pou Romin 8:36

Parey kouma finn ekrir: “Akoz twa nou dan danze lamor toulezour, tret nou kouma mouton ki pou egorze dan labatwar.”

Psom 44:22

Akoz nou lamour pou twa, pe trenn nou kouma mouton, pe amenn nou labatwar.

2 Ko 5:4

Osi lontan ki nou res dan sa latant ki nou ena lor later-la, nou pou akable, parski nou pa oule res san linz lor nou, me nou anvi met enn lot linz lor nou afin ki seki mortel li anglouti par lavi.

1 Ko 15:31

Sak zour mo riske mo lavi; li vre, sa. Mo fierte pou zot dan Lesegner Zezi Kris ki fer mwa dir sa, mo bann frer ek mo bann ser.

Let pou Romin 8:11

Si Lespri Bondie, ki ti resisit Zezi, pe viv dan zot, Sa-Enn ki ti resisit Zezi la pou donn lavi zot lekor mortel par so Lespri ki viv dan zot.

Psom 141:7

Parey kouma bisron koup dibwa, fann li, tay-tay li; koumsa mem zot lezo pou fane bout par bout toutotour zot tom vid.

2 Ko 4:10

Dan nou lekor mortel, nou touletan sarye lamor Zezi pou ki nou lekor revel osi lavi Zezi.

2 Ko 4:12

Savedir lamor pe fer so travay dan nou, me lavi pe fer so travay dan zot.

2 Ko 6:9

tret nou etranze, mem ki bien konn nou; tret nou kouma bann ki pe mor, pourtan nou bien vivan; nou soufer boukou pinision, me nou pa mor;