2 Ko 3:18 - Nouvo Testaman Kreol Morisien Harmonisation NTPS KM

¹⁸ Nou tou, ki nepli ena vwal lor nou figir nou reflet laglwar Lesegner. Lespri pe transform nou pou ki nou resanble Lesegner, avek enn laglwar ki kontign ogmante plis ankor. Sa, li vinn depi Lespri Lesegner.

Nouvo Testaman dan Kreol Morisien

¹⁸ Nou tou, ki nepli ena vwal lor nou figir nou reflet laglwar Lesegner. Lespri pe transform nou pouki nou resanble Lesegner, avek enn laglwar ki kontign ogmante plis ankor. Sa, li vinn depi Lespri Lesegner.

2 Ko 3:18 Referans Kwoze

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

Let pou Romin 12:2

Pa rant dan moul sa lemond-la, me les Bondie transform zot par enn intelizans nouvo, pou ki zot kapav diserne ki volonte Bondie, setadir seki bon, seki agreab, seki parfe.

2 Ko 4:4

Zot pa krwar parski bondie lemal dan sa lemond-la finn fer zot lespri aveg pou ki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

1 Ko 13:12

Aster-la nou trouv flou kouma dan enn vie laglas, me enn zour pou arive kot nou pou trouv fasafas. Aster-la mo konesans li limite, me plitar mo pou konn Bondie dan enn fason konple, parey kouma Bondie konn mwa.

Let pou Kolosien 3:10

e zot finn adopte enn nouvo natir, ki pe kontign renouvle so konesans antan ki zimaz Bondie;

Let pou Romin 8:29

Bondie finn met apar bann ki li ti finn swazire davans pou vinn kouma so Garson, pou ki li premie-ne parmi enn kantite frer.

1 Ko 15:49

Parey kouma nou ti resanble dapre zom ki sorti dan later, parey nou pou kouma zom ki sorti lesiel.

2 Ko 5:17

Si kikenn ini ar Lekris, li vinn enn nouvo kreasion; seki vie finn disparet, seki nouvo ki la.

Zn 1:14

Laparol finn vinn enn imin e li finn res kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Let Zak 1:23

Si kikenn ekout Laparol e pa met li an pratik, li parey enn dimounn ki get limem dan laglas,

Zn 17:24

Papa, seki to finn konfie mwa, mo anvi ki la kot mo ete zot avek mwa; pou ki zot kontanple laglwar ki to finn donn mwa e zot pou kone ki to kontan mwa depi avan koumansman kreasion.

Let pou Tit 3:5

li finn sov nou. Pa akoz nou bann bon aksion me par so mizerikord. Li finn sov nou atraver delo ki donn enn nouvo nesans ek enn renouvelman par Lespri Sin.

Let pou Romin 8:7

Bann dimounn ki preokipe par natir imin zot lennmi Bondie, parski sa natir-la li pa soumet li ar lalwa Bondie, dayer li mem pa kapav fer li.

Let pou Romin 8:4

Sa finn fer pou ki lazistis ki lalwa dimande li akonpli dan nou ki pa pe viv dapre natir imin, me dapre Lespri.

Zn 12:41

Izai finn koz lor Zezi parski li finn trouv so laglwar.

Let pou Romin 13:14

Plito pran lor zot tou seki Lesegner Zezi Kris pe ofer e pa les zot antrene par zot prop natir pou satisfer so dezir.

Ga 6:15

Ki enn dimounn sirkonsi ou pa, sa pena okenn linportans; seki inportan se enn nouvo kreasion.

1 Tim 1:11

Mo tir sa lansegnman-la dan grander Bonn Nouvel ki Bondie Beni, finn konfie mwa.

Psom 84:7

Amizir zot marse, zot lafors grandi, pou prezant devan Bondie ki pli pwisan ki tou lezot segner lor Montagn Sion.

Zn 17:22

Mo finn donn zot laglwar ki to finn donn mwa pou ki zot vinn enn sel parey kouma nou, nou enn sel.

2 Ko 3:17

Lesegner limem Lespri, ek la kot Lespri prezan, la ena liberte.

1 Zn 3:2

Mo bann kamarad, nou deza bann zanfan Bondie, me li pa kler kouma nou pou ete apre. Me nou kone kan li pou vini nou pou resanble li, parski nou pou trouv li parey kouma li ete.