2 Ko 3:1 - Nouvo Testaman Kreol Morisien Harmonisation NTPS KM

¹ Eski ankor enn fwa nou pe flat noumem? Oubien eski nou bizin, kouma sertin lezot dimounn, enn let rekomandasion pou donn zot, oubien pran ar zot?

Nouvo Testaman dan Kreol Morisien

¹ Eski ankor enn fwa nou pe flat noumem? Oubien eski nou bizin, kouma sertin lezot dimoun, enn let rekomandasion pou donn zot, oubien pran ar zot?

2 Ko 3:1 Referans Kwoze

2 Ko 12:11

Mo azir kouma enn fou! Zotmem ki fors mwa vinn koumsa. Ofet, zot ki ti bizin defann mwa, parski mem si mo enn nanye ditou, mo pa inferyer ar zot bann siper-zapot.

2 Ko 10:12

Nou pena toupe pou klas noumem ou konpar noumem ar sertin ki fer zot fanor. Zot bet! Zot etablir zot prop kriter pou fer konparezon ek zizman lor zotmem.

2 Ko 5:12

Nou pa pe rekomann noumem ar zot ankor enn fwa. Nou zis anvi donn zot lokazion santi enn fierte pou nou, pou ki zot ena enn repons pou donn bann ki met plis linportans lor laparans deor ki lor seki ena dan leker.

Zistwar Bann Zapot 18:27

Letan Apolos ti le al Akai, bann frer ti ankouraz li e zot ti ekrir bann disip laba pou akeyir li bien. Kan li ariv laba, li ti enn gran sekour pou bann ki ti finn krwar par lagras Bondie.

1 Ko 16:3

Letan mo vini lerla zot pou swazir dimounn ki pou al Zerizalem ar zot kontribision. Mo pou donn zot enn let pou prezant zot.

2 Ko 12:19

Tousa letan-la zot ti pe panse ki nou pe defann noumem devan zot? A non! Nou pe koz kouma Lekris ti pou anvi nou koze devan Bondie. Tousala, mo bann kamarad, li pou ki zot progrese dan zot lafwa.

2 Ko 10:8

Mo pa pou onte, mem si mo bizin vant enn tigit tro sa lotorite ki Lesegner finn donn nou pou edifie zot e non pa pou detrir zot.

2 Ko 2:17

Nou pa kouma boukou lezot ki fer trafik marsandiz ar Parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

1 Ko 10:33

Koumsa mem mo viv pou fer plezir tou dimounn; olie mo rod mo prop lintere, mo rod lintere tou dimounn pou ki zot kapav sap dan pese.

1 Ko 4:15

Mem si arive zot ena dis-mil dimounn ki gid zot lavi dan Lekris, zot pena plizir papa, parski mwa ki finn vinn zot papa dan Lekris par Bonn Nouvel ki mo finn amenn zot.

1 Ko 3:10

Dapre lagras ki Bondie finn donn mwa, mo finn poz enn fondasion kouma enn arsitek intelizan, me enn lot pe konstrir lor la. Sakenn bizin fer bien atansion manier ki li pe konstrir.

Let pou Romin 16:1

Mo rekomann zot nou ser Febe ki enn diakones dan Legliz Sankre.

2 Ko 10:18

Pa dimounn ki ena bel lopinion lor limem ki gagn rekonesans, me dimounn ki Lesegner rekomande.