2 Ko 13:7 - Nouvo Testaman Kreol Morisien Harmonisation NTPS KM

⁷ Nou priye Bondie pou ki zot pa fer nanye mal, pa pou ki sa montre nou sikse, me montre ki zot pratik seki bien, mem si li paret ki nou pa finn pas leprev.

Nouvo Testaman dan Kreol Morisien

⁷ Nou priye Bondie pouki zot pa fer nanye mal, pa pouki sa montre nou sikse, me montre ki zot pratik seki bien, mem si li paret ki nou pa finn pas leprev.

2 Ko 13:7 Referans Kwoze

Let Zak 1:12

Li pou bienere sa dimounn ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

2 Tim 4:18

Lesegner pou delivre mwa ankor dan tou bann piez ek li pou gard mwa pou so rwayom. Laglwar pou li dan leternite. Amen.

2 Tim 2:15

Fer tou pou ki Bondie trouv dan twa enn bon travayer ki pa per, ni onte, pou propaz Parol laverite.

1 Tim 2:2

pou bann lerwa, tou bann ki ena lotorite, pou ki lape ek trankilite regne e ki nou kapav viv dan lapiete ek dan dignite.

1 Tes 5:23

Ki Bondie lape rann zot sin limem dan tou fason, ki li gard ferm zot lespri, ek zot lekor san okenn repros letan Zezi Kris nou Segner pou retourne.

Let pou Filipien 4:8

Finalman, mo bann frer e ser, pans bien lor tou seki vre, onorab, zis, pir, admirab ek tou seki merit nou louanz.

1 Pi 2:12

Ena enn bon kondwit parmi bann payin; lerla, mem si zot dir foste lor zot e tret zot kouma malfeter, zot pou oblize rekonet bann bon travay ki zot pe fer e glorifie Bondie kan li retourne.

2 Ko 13:9

Nou dan lazwa kan nou, nou feb, me zot, zot for. Dan nou lapriyer, nou demann ki zot vinn parfe.

2 Ko 10:18

Pa dimounn ki ena bel lopinion lor limem ki gagn rekonesans, me dimounn ki Lesegner rekomande.

2 Ko 10:10

Dimounn dir, “Let Pol bien dir ek sever; me kan li parmi nou li feb ek so koze bat dan vid.”

2 Ko 8:21

Nou oule fer tou kiksoz dan enn fason korek, pa zis devan Bondie, me osi devan tou dimounn.

2 Ko 6:4

Okontrer, nou prezant noumem dan tou sirkonstans kouma bann serviter Bondie; nou siport bann soufrans, detres, angwas,

1 Ko 11:19

San dout li bon ki ena divizion parmi zot, parski koumsa kapav kone kisann-la parmi zot ki vremem fidel.

Let pou Romin 16:10

Salie Apeles, ki finn prouve ki so lafwa dan Lekris ferm.

Let pou Romin 13:13

Anou konport nou onetman kouma anplin lizour; pa viv dan fiesta, soulezon, imoralite sexiel, vis, lager ek zalouzi.

Let pou Romin 12:17

Pa rann lemal pou lemal. Fer seki bien devan tou dimounn.

Zn 17:15

Mo pa pe dimann twa, tir zot dan lemond me protez zot kont lemal.

Mt 6:13

Pa les nou tom dan tantasion Me tir nou dan lemal.’

Let pou Romin 1:28

Anplis, parski zot pa finn gard vre konesans Bondie dan zot lespri, li finn les zot lespri degringole, akoz sa zot fer seki pa bizin.

2 Ko 13:6

Mo espere ki zot dekouver ki nou finn pas nou leprev, nou.

2 Ko 13:8

Nou pa kapav fer nanye kont laverite Bondie, nou nek bizin azir pou li.