2 Ko 11:1 - Nouvo Testaman Kreol Morisien Harmonisation NTPS KM

¹ Mo ti pou swete ki zot kapav siport mo ti fouka. Fer sa pou mwa!

Nouvo Testaman dan Kreol Morisien

¹ Mo ti pou souete ki zot kapav siport mo ti fouka. Fer sa pou mwa!

2 Ko 11:1 Referans Kwoze

2 Ko 11:4

An-efe, zot kapav toler ninport kisann-la ki vinn pres enn Zezi diferan ar seki nou finn anons zot; zot pare pou resevwar enn lot lespri e enn lot Bonn Nouvel ki diferan ar Lespri ek Bonn Nouvel ki nou finn anons zot.

1 Ko 1:21

Bann imin avek tou zot sazes pa finn kapav rekonet Bondie, la kot li finn manifeste so sazes. Akoz sa ki Bondie finn desid pou sov seki krwar par so mesaz swadizan fou.

2 Ko 11:21

Mo onte pou dir sa, me nou, nou finn tro timid pou azir koumsa! Si kikenn oze fer so vantar, e la mo pe koz kouma enn fou, mwa osi mo pou oze fer sa.

2 Ko 11:19

Zot ki saz, zot aksepte seki fou.

2 Ko 5:13

Si nou latet pa bon, pou Bondie ki nou koumsa; si nou lespri bien korek, li pou zot ki nou koumsa.

Eb 5:2

Li pou kapav azir avek douser kont tou bann inioran ek bann peser, parski limem, li feb.

2 Ko 12:11

Mo azir kouma enn fou! Zotmem ki fors mwa vinn koumsa. Ofet, zot ki ti bizin defann mwa, parski mem si mo enn nanye ditou, mo pa inferyer ar zot bann siper-zapot.

1 Ko 4:10

Nou enn bann fou akoz Lekris, me zot, zot bann saz dan linion avek Lekris; nou feb, me zot, zot for; nou gagn dezoner, alor ki zot, zot gagn loner.

1 Ko 4:8

Zot deza ena tou seki zot oule! Zot deza finn vinn ris! Zot finn vinn bann lerwa, alor ki nou, nou bann nanye ditou! A, si selman zot ti vremem bann lerwa! Koumsa nou ti pou kapav lerwa nou osi ansam ar zot.

1 Ko 3:18

Fode ki personn pa tom dan lerer. Si ena parmi zot krwar ki li saz dapre sistem lemond, ki li vinn enn fouka dabor pou lerla li vremem vinn enn saz.

Zistwar Bann Zapot 26:29

Pol reponn li, “Tigit letan oubien boukou letan, mo priye Bondie ki pa zis ou me tou bann dimounn ki pe ekout mwa zordi kapav vinn kouma mwa, bien sir san ki zot atase ar lasenn.”

Zistwar Bann Zapot 18:14

Zis kouma Pol ti pou koze, Galyon dir bann Zwif, “Si sa ti enn ofans oubien enn krim orib mo ti pou ena enn rezon pou pran letan ekout zot, bann Zwif;

Mt 17:17

Zezi reponn, “Zenerasion san lafwa ranpli ar mesanste. Komie letan ankor mo pou res ar zot? Ziska kan mo bizin siport zot? Amenn li ar mwa.”