2 Ko 10:7 - Nouvo Testaman Kreol Morisien Harmonisation NTPS KM

⁷ Pa get laparans, get seki devan zot lizie. Si kikenn konsider ki li apartenir ar Lekris, ki li rann limem kont ki nou osi, otan ki li, nou apartenir ar Lekris.

Nouvo Testaman dan Kreol Morisien

⁷ Pa get laparans, get seki devan zot lizie. Si kikenn konsider ki li apartenir ar Lekris, ki li rann limem kont ki nou osi, otan ki li, nou apartenir ar Lekris.

2 Ko 10:7 Referans Kwoze

2 Ko 5:12

Nou pa pe rekomann noumem ar zot ankor enn fwa. Nou zis anvi donn zot lokazion santi enn fierte pou nou, pou ki zot ena enn repons pou donn bann ki met plis linportans lor laparans deor ki lor seki ena dan leker.

1 Ko 14:37

Si kikenn panse ki li enn profet, oubien ki li ena enn don ki Lespri done, li bizin rekonet ki dan seki mo pe ekrir ena komannman Lesegner.

2 Ko 11:23

Bann-la serviter Lekris? Mo pou dir enn foli la: mo meyer serviter ki zot. Mo finn travay plis ki zot; mo finn fer plis prizon ki zot; mo finn plis gagn bate, e mo finn pas pre ar lamor plis ki zot.

Zn 7:24

Pa ziz dapre laparans me ziz dapre lazistis.”

1 Zn 4:6

Nou, nou sorti kot Bondie. Dimounn ki konn Bondie ekout nou, e dimounn ki pa sorti kot Bondie, pa ekout nou. Koumsa mem ki nou rekonet Lespri Bondie ki vre ek lespri dimal ki fos.

1 Ko 9:1

Eski mo pa lib mwa? Eski mo pa enn Zapot, mwa? Eski mo pa finn trouv Zezi nou Segner? Eski zot pa rezilta travay ki mo finn fer dan Lesegner?

1 Ko 3:23

Me zot, zot apartenir ar Lekris, e Lekris li pou Bondie.

Ga 3:29

E si zot pou Kris, alor zot enn desandan Abraam, zot bann eritie dapre promes Bondie.

2 Ko 10:1

Par douser ek bonte Lekris, mwa, Pol mo pe fer enn lapel ar zot; mwa ki dimounn dir ki mo “timid” kan mo ar zot, me ki ena “lodas” kan mo lwin.

1 Ko 1:12

Ala seki mo pe rod dir zot: ena pe dir, “Mo swiv Pol”; enn lot dir, “Mo swiv Apolos”; enn lot ki dir, “Mo swiv Kefas”; ankor lezot pe dir, “Mo swiv Lekris.”

2 Ko 13:3

Zot pou gagn tou prev neseser pou prouve ki Lekris koz par mwa. Lekris pa feb pou zot, me li manifeste so pwisans parmi zot.

2 Ko 12:11

Mo azir kouma enn fou! Zotmem ki fors mwa vinn koumsa. Ofet, zot ki ti bizin defann mwa, parski mem si mo enn nanye ditou, mo pa inferyer ar zot bann siper-zapot.

2 Ko 11:18

Me parski ena boukou lezot dimounn pe fer fezer lor zot kalite pou bann rezon imin, mwa osi mo fer parey.

2 Ko 11:4

An-efe, zot kapav toler ninport kisann-la ki vinn pres enn Zezi diferan ar seki nou finn anons zot; zot pare pou resevwar enn lot lespri e enn lot Bonn Nouvel ki diferan ar Lespri ek Bonn Nouvel ki nou finn anons zot.

1 Ko 15:23

Selman, sakenn ena so ran. An premie, Lekris, e apre tou seki apartenir ar li, letan li retourne.

Lk 16:15

Zezi dir zot, “Zot fer krwar ki zot ena lazistis zis pou lizie dimounn, me Bondie konn zot leker. Seki ena valer pou dimounn, enn abominasion pou Bondie.

Mt 23:5

Me zot kontan fer kiksoz pou lizie dimounn, zot bann filakter bien-bien gran e franz zot manto bien long.