2 Ko 10:13 - Nouvo Testaman Kreol Morisien Harmonisation NTPS KM

¹³ Nou pena pou fer fezer e fer krwar nou bann terib, me nou pou res dan limit ki Bondie finn etablir, dan travay ki li finn permet nou fer pou ki nou kapav vinn ziska kot zot.

Nouvo Testaman dan Kreol Morisien

¹³ Nou pena pou fer fezer e fer krwar nou bann terib, me nou pou res dan limit ki Bondie finn etablir, dan travay ki li finn permet nou fer pouki nou kapav vinn ziska kot zot.

2 Ko 10:13 Referans Kwoze

Let pou Romin 15:20

Mo lanbision ti touletan pou proklam Bonn Nouvel dan bann landrwa kot dimounn pa finn tann koz Lekris, pou ki mo pa mont enn travay lor fondasion poze par enn lot.

Let pou Romin 12:6

Nou ena diferan don dapre lagras ki finn akord nou. Si nou ena don profesi, nou bizin servi li dapre lafwa ki nou ena.

1 Pi 4:10

Sakenn, parey kouma enn bon serviter, servi bien bann diferan kalite lagras ki Bondie finn donn zot.

Ef 4:7

Selman, sakenn parmi nou finn gagn lagras dapre zenerozite Lekris.

1 Ko 12:11

Tousala, aktivite enn sel e mem Lespri Bondie, e li akord sakenn enn don diferan dapre so volonte.

Let pou Romin 12:3

Par lagras ki finn donn mwa, mo dir ar sakenn parmi zot fode pa ki zot ena enn lopinion tro ot lor zotmem; okontrer ena bann panse modes, sakenn dapre lafwa ki Bondie finn donn li.

Let pou Romin 10:18

Me mo dimande: Eski zot pa ti tande? Biensir zot ti tande: “Finn tann zot lavwa partou lor later, e zot parol finn ariv ziska dan bout lemond.”

Mt 25:15

Li donn enn sink talan, enn lot de talan e enn lot enn sel talan, sakenn dapre so kapasite, lerla li ale.

Proverb 25:14

Dimounn ki touletan promet kado, me zame pa done, li kouma niaz ek divan ki zame donn lapli.

Psom 19:4

Malgre sa zot mesaz travers partou; zot lavwa vwayaz ziska finfon later. Dan lesiel Bondie finn ranz enn lakaz pou soley;