2 Ko 10:12 - Nouvo Testaman Kreol Morisien Harmonisation NTPS KM

¹² Nou pena toupe pou klas noumem ou konpar noumem ar sertin ki fer zot fanor. Zot bet! Zot etablir zot prop kriter pou fer konparezon ek zizman lor zotmem.

Nouvo Testaman dan Kreol Morisien

¹² Nou pena toupe pou klas noumem ou konpar noumem ar sertin ki fer zot fanor. Zot bet! Zot etablir zot prop kriter pou fer konparezon ek zizman lor zotmem.

2 Ko 10:12 Referans Kwoze

Proverb 27:2

Pa lev tomem anler, les enn lot flat twa; mem enn etranze kapav felisit twa, me pa fer li tomem.

Proverb 26:12

Mil fwa to zwenn enn bet, ki to zwenn enn dimounn ki deklar saz.

Lk 18:11

Farizien-la ti pe dibout enn kote, apar, e li ti pe priye dan so leker, ‘Bondie, mo remersie twa ki mo pa kouma bann lezot dimounn, voler, explwater, adilter, e sirtou pa kouma sa komi tax-la.

2 Ko 10:18

Pa dimounn ki ena bel lopinion lor limem ki gagn rekonesans, me dimounn ki Lesegner rekomande.

Let pou Romin 15:18

Mo oze koz selman lor seki Lekris finn fer atraver mwa pou amenn bann non-Zwif pou obeir Bondie. Li ti fer sa par parol ek aksion,

2 Ko 3:1

Eski ankor enn fwa nou pe flat noumem? Oubien eski nou bizin, kouma sertin lezot dimounn, enn let rekomandasion pou donn zot, oubien pran ar zot?

Proverb 25:27

Li pa bon manz tro boukou dimiel; li pa bon osi, kan to rod tro boukou loner.

2 Ko 5:12

Nou pa pe rekomann noumem ar zot ankor enn fwa. Nou zis anvi donn zot lokazion santi enn fierte pou nou, pou ki zot ena enn repons pou donn bann ki met plis linportans lor laparans deor ki lor seki ena dan leker.

2 Ko 10:11

Ki sa bann dimounn-la note ki seki nou dir dan let letan nou lwin, samem pou nou aksion letan nou prezan parmi zot.