2 Ko 1:19 - Nouvo Testaman Kreol Morisien Harmonisation NTPS KM

¹⁹ Zezi Kris, Garson Bondie, ki nou - momem, Silas ek Timote - nou finn anonse parmi zot, li pa finn dans-danse ant “Wi” ek “Non”; okontrer li touletan “Wi.”

Nouvo Testaman dan Kreol Morisien

¹⁹ Zezi Kris, Garson Bondie, ki nou - momem, Silas ek Timote - nou finn anonse parmi zot, li pa finn dans-danse ant “Wi” ek “Non”; okontrer li toultan “Wi.”

2 Ko 1:19 Referans Kwoze

Eb 13:8

Zezi Kris, li parey yer, zordi ek pou touzour.

Revelasion 1:17

Ler mo trouv li, mo tonbe kouma enn dimounn mor e mo prostern devan li parey. Me li ti poz so lame drwat lor mwa e li ti dir, “Pa per twa! Momem premie ek dernie,

2 Zn 1:9

Tou dimounn ki depas limit e pa gard lansegnman Kris, zot pena Bondie dan zot. Dimounn ki gard so lansegnman, zot ini avek Bondie Papa ek so Garson.

Revelasion 2:18

Let ki finn ekrir pou anz dan Legliz Tiatir: “Ala seki garson Bondie ki ena lizie kouma enn laflam dife ek lipie parey kouma bronz ki finn bien poli deklare.

1 Zn 5:20

E nou kone ki Garson Bondie finn vini, li finn donn nou lintelizans pou ki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

Revelasion 1:8

“Mo mem Alfa ek Omega,” deklar Lesegner Bondie ki existe, ki ti existe e ki pou vini.

Zistwar Bann Zapot 18:5

Kan Silas ek Timote ti vinn depi Masedwann, Pol ti devwe tou so letan zis pou pres laparol ek dir bann Zwif ki Zezi limem Lemesi.

Revelasion 1:11

Li ti pe dir, “Ekrir dan enn liv seki to pe trouve e avoy liv-la kot sa set Legliz dan Efez, Smirn, Pergam, Tiatir, Sard, Filadelfi ek Laodise.”

1 Zn 1:3

Nou anons zot seki nou finn trouve ek tande pou ki zot osi zot res ini avek nou, ki ini avek nou Papa e so Garson Zezi Kris.

2 Pi 1:17

Parski Li finn resevwar loner ek laglwar Bondie nou Papa kan ti ena enn lavwa depi laglwar siprem Bondie, ki ti dir: “Samem mo garson, mo bieneme, dan ki mo met tou mo lazwa.”

Eb 1:11

Tou pou disparet, me twa to pou reste; lesiel ek later pou vinn vie kouma linz vinn vie;

Zistwar Bann Zapot 15:22

Lerla bann zapot avek bann ansien, e Legliz antie, ti desid pou swazir de-trwa parmi zot pou avoy Antios avek Pol ek Barnabas. Zot ti swazir Zid ki ti osi apel Barsabas, ek Silas, de dimounn ki ti bien respekte parmi bann frer.

Zistwar Bann Zapot 9:20

Toutswit apre li koumans proklam Zezi dan sinagog, li dir, “Limem Garson Bondie.”

Zistwar Bann Zapot 8:36

Letan zot pe kontign zot sime, zot ariv kot ena dilo; lerla ofisie-la dir Filip, “Ala dilo, ki anpes mwa resevwar batem?”

Zn 20:31

Tousala finn ekrir pou ki zot krwar ki Zezi-mem Lekris, Garson Bondie e pou ki bann seki krwar gagn lavi par so nom.

Zn 19:7

Bann Zwif reponn, “Nou ena enn lalwa e dapre sa lalwa-la, li bizin mor parski li deklar li Garson Bondie.”

Zn 8:58

Zezi dir zot, “Vremem, laverite mo dir zot, avan Abraam ti ne, mwa, mo ti la.”

Zn 6:69

Nou finn krwar e nou finn kone ki to tousel Sin, ki to sorti kot Bondie.”

Zn 3:16

Bondie finn telman kontan lemond, ki li finn donn so Sel Garson pou ki tou dimounn ki krwar dan Li, pa mor me gagn lavi eternel.

Zn 1:49

Natanael reponn, “Met, tomem Garson Bondie, Lerwa Izrael.”

Zn 1:34

Mwa mo finn trouve ar mo lizie e mo pe rann temwaniaz, limem Garson Bondie.”

Lk 1:35

Anz-la reponn, “Lespri Sin pou vinn lor twa, e pwisans Bondie Treo pou kouver twa; akoz samem zanfan-la pou Sin e pou apel li Garson Bondie.

Mk 1:1

Koumansman Bonn Nouvel Zezi Kris Garson Bondie.

Mt 27:54

Santiryon Romin ek bann solda ki ti pe vey Zezi trouv later tranble e zot temwin tou seki ti pe arive. Alor zot gagn per e zot dir, “Vremem li ti Garson Bondie.”

Mt 27:40

pou dir li, “Pa tomem ki ti anvi detrir Tanp pou rekonstrir enn lot dan trwa zour; sov twa tomem; si vremem to Garson Bondie, desann lor sa lakrwa-la!”

Mt 24:35

Lesiel ek later pou disparet me mo parol pa pou disparet.

Mt 17:5

Letan li ti ankor pe koze, enn niaz bien blan kouver zot e enn lavwa dan niaz-la ti pe dir, “Samem mo Garson ki mo bien kontan, li donn mwa boukou lazwa, ekout li!”

Mt 3:17

Enn lavwa dan lesiel dir, “limem mo Garson ki mo bien kontan; li donn mwa boukou lazwa.”

Psom 2:7

Lerwa dir, “Les mo anons zot deklarasion LESEGNER. Li finn dir mwa, ‘Zordi, zour to kouronnman, to finn vinn mo garson e mwa mo finn vinn to Papa.

Zn 20:28

Toma dir, “Mo Segner, mo Bondie.”

Mt 4:3

Diab vinn ar li e dir li, “Si tomem Garson Bondie, donn lord sa bann ros-la vinn dipin.”

Zistwar Bann Zapot 16:1

Pol ti ariv Derb ek List akot ti ena enn disip ki apel Timote. So mama ti enn Zwiv e ti enn krwayan osi. So papa ti enn Grek.

2 Ko 1:1

Mwa Pol, enn Zapot Zezi Kris par volonte Bondie, ek Timote nou frer, Mo pe ekrir zot, Legliz ki dan Korint, ek tou bann krwayan ki partou dan Akai:

1 Tes 1:1

Mwa Pol, ansam avek Silas ek Timote, nou pe ekrir legliz pep Bondie Papa ek Segner Zezi Kris, dan Tesalonik. Ki lagras ek lape res ar zot.

2 Tes 1:1

Pol, Silvin ek Timote pe ekrir Legliz Bondie Papa ek Lesegner Zezi Kris ki dan Tesalonik:

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemond krwar dan li E li finn mont dan laglwar.

1 Pi 5:12

Mo pe ekrir zot sa ti let-la avek led Silas, ki mo konsider kouma enn frer serye, pou ankouraz zot e pou sertifie ki samem vre lagras Bondie; zot bizin tini ferm ladan.