1 Zn 5:7 - Nouvo Testaman Kreol Morisien Harmonisation NTPS KM

⁷ Ena trwa temwin:

Nouvo Testaman dan Kreol Morisien

⁷ Ena trwa temwin:

1 Zn 5:7 Referans Kwoze

Mt 28:19

Al dan tou bann pep ki ena e fer zot vinn mo bann disip; batiz zot lor nom mo Papa, lor nom so Garson e lor nom Lespri Sin.

Zistwar Bann Zapot 5:32

Nou temwin tou seki finn arive, nou ansam avek Lespri Sin ki Bondie finn donn bann dimounn ki obeir li.”

Zn 1:1

Dan koumansman ti ena Laparol, Laparol ti ar Bondie e Laparol ti Bondie.

Zistwar Bann Zapot 2:33

Bondie ti plas li dan so kote drwat, e li finn resevwar promes Lespri Sin par so Papa; e Zezi finn repann seki zot pe trouve ek tande.

1 Zn 5:6

Zezi Kris, limem ki finn vini avek dilo so batem ek disan so lamor. Li pa finn vinn avek zis dilo, me avek dilo ek disan; e Lespri li rann temwaniaz ki sa vre, parski Lespri limem laverite.

Zn 8:54

Zezi reponn, “Si mo rod mo prop laglwar, mo laglwar pa vo nanye; Sa-Enn zot apel zot Bondie-la, limem mo Papa e limem ki glorifie mwa.

Mt 17:5

Letan li ti ankor pe koze, enn niaz bien blan kouver zot e enn lavwa dan niaz-la ti pe dir, “Samem mo Garson ki mo bien kontan, li donn mwa boukou lazwa, ekout li!”

Zn 10:30

Mo Papa ek mwa nou enn sel.”

Psom 33:6

LESEGNER ti kree liniver par so parol; par souf so labous li ti donn nesans soley, lalinn ek zetwal.

Zn 5:26

Parey kouma Papa-la lasours lavi, par enn don so Papa, Garson-la osi lasours lavi.

Revelasion 19:13

Li ti met enn rob tranpe dan disan, e li ti apel “Parol Bondie.”

Zn 12:28

“Papa, glorifie to nom.” Lerla enn lavwa sorti dan lesiel, “Mo finn deza glorifie li e mo pou glorifie li ankor.”

Zn 8:18

Mo pe rann temwaniaz lor momem e mo Papa ki finn avoy mwa, Li osi temwagn lor mwa.”

Mt 18:16

Me si li pa ekout twa, pran enn ou de lezot dimounn avek twa kouma temwin.

1 Zn 1:1

Nou anons zot ki seki ti la depi koumansman, seki nou finn tande, seki nou finn trouve avek nou lizie, seki nou finn gete ek touse avek nou lame, samem parol lavi ki nou pe anons zot.

Zn 14:17

Limem Lespri laverite. Lemond pa kapav resevwar li parski li pa trouv li e pa konn li. Zot, zot konn li parski li res ar zot e li dan milie zot.

Zn 15:26

Kan Sa-Enn ki pou defann zot la pou vini, li pou donn so temwaniaz lor mwa. Li sorti kot mo Papa; mo pou avoy li e limem Lespri laverite.

1 Zn 5:8

Lespri, dilo ek disan, e toule trwa dakor.