1 Zn 5:12 - Nouvo Testaman Kreol Morisien Harmonisation NTPS KM

¹² Dimounn ki ena Garson Bondie ena lavi-la; dimounn ki pena Garson Bondie, pena lavi.

Nouvo Testaman dan Kreol Morisien

¹² Dimoun ki ena Garson Bondie ena lavi la; dimoun ki pena Garson Bondie, pena lavi.

1 Zn 5:12 Referans Kwoze

Zn 3:36

Dimounn ki krwar dan so Garson pou gagn lavi eternel, seki pa ekout so Garson, pa pou trouv lavi me lakoler Bondie pou res lor li.”

Zn 5:24

Vremem laverite mo dir zot, dimounn ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Zn 3:15

pou ki tou dimounn ki krwar dan li gagn lavi eternel.

Zn 1:12

Li finn donn tou dimounn ki finn resevwar li e ki krwar dan so nom pouvwar pou vinn zanfan Bondie.

1 Ko 1:30

Limem lasours zot lavi dan Zezi Kris, ki finn vinn pou nou sazes ki sorti kot Bondie. Lekris rann nou drwat, li met nou apar pou Bondie, limem nou delivrans.

Mk 16:16

Dimounn ki krwar ek resevwar batem pou sove, me dimounn ki pa krwar pou kondane.

2 Zn 1:9

Tou dimounn ki depas limit e pa gard lansegnman Kris, zot pena Bondie dan zot. Dimounn ki gard so lansegnman, zot ini avek Bondie Papa ek so Garson.

Eb 3:14

Ofet nou enn partner avek Lekris, si nou gard sa konfians ki nou ena depi koumansman la, ziska lafin.

Ga 2:20

alor, li nepli mwa ki pe viv, me Kris ki pe viv dan mwa. Lavi ki mo pe viv aster-la kouma enn imin, mo viv li par lafwa dan Garson Bondie, ki kontan mwa e finn donn so lavi pou mwa.