1 Zn 4:11 - Nouvo Testaman Kreol Morisien Harmonisation NTPS KM

¹¹ Mo bann frer ek ser bieneme, si Bondie finn kontan nou sa kantite-la, nou osi nou bizin kontan nou kamarad.

Nouvo Testaman dan Kreol Morisien

¹¹ Mo bann frer ek ser bieneme, si Bondie finn kontan nou sa kantite la, nou osi nou bizin kontan nou kamarad.

1 Zn 4:11 Referans Kwoze

Let pou Kolosien 3:13

Siport zot kamarad, e si zot ena kit repros, donn zot pardon; kouma Lesegner finn pardonn zot, zot ousi pardone.

Zn 13:34

Mo donn zot enn komannman nouvo: kontan zot kamarad, parey kouma mwa, mo kontan zot. Zot bizin kontan zot kamarad.

1 Zn 3:23

Ala so komannman, ki nou bizin krwar dan nom so garson Zezi Kris e kontan nou prosin, parey kouma li finn komann nou.

Lk 10:37

Dokter lalwa-la reponn Zezi, “Be dimounn ki finn pran li kont la.” Zezi dir li, “Ale, al fer parey.”

Ef 4:31

Met dekote tou zot lamertim, zot koler, zot laraz, zot insilt, zot mesanste; tousala bizin disparet.

1 Zn 2:7

Mo bann frer ek ser bieneme, mo pa pe ekrir zot enn nouvo komannman, me enn vie komannman ki zot ti deza resevwar depi koumansman. Sa vie komannman-la, limem parol ki zot finn deza tande.

1 Zn 3:11

Samem mesaz ki zot finn tande depi koumansman: ki nou bizin kontan nou prosin.

1 Zn 4:7

Mo bann frer ek ser bieneme, nou bizin kontan nou kamarad, parski lamour sorti kot Bondie. Dimounn ki kontan so kamarad, li sorti kot Bondie e li konn Bondie.

2 Zn 1:5

Aster-la Madam, mo pa pe ekrir twa enn nouvo komannman, me samem komannman ki nou finn gagne depi koumansman. Mo dimann twa ki: “Sakenn kontan so kamarad.”