1 Zn 3:8 - Nouvo Testaman Kreol Morisien Harmonisation NTPS KM

⁸ Seki fer pese, li sorti kot diab. Depi koumansman diab dan pese, me Garson Bondie finn vini pou detrir travay diab.

Nouvo Testaman dan Kreol Morisien

⁸ Seki fer pese, li sorti kot diab. Depi komansman diab dan pese, me Garson Bondie finn vini pou detrir travay diab.

1 Zn 3:8 Referans Kwoze

Eb 2:14

Parski sa bann zanfan-la, zot ena enn natir imin ki fer avek laser ek disan. Zezi osi partaz sa mem natir-la. Li finn mor e atraver so lamor li finn detrir Satan ki ena pouvwar touy dimounn.

Zn 8:44

Zot sorti ar diab. Limem zot papa; akoz samem zot ena mem santiman ki li. Depi koumansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

Let pou Kolosien 2:15

Li finn depouy bann Lespri e bann Lafors, tou dimounn trouve ki li finn dezarm zot, li finn trenn zot dan kortez laviktwar so lakrwa.

Let pou Romin 16:20

Biento Bondie lape pou kraz Satan anba zot lipie. Ki lagras Lesegner Zezi res avek zot.

Zn 16:11

Ki ete zizman? Sef lemond finn fini zize.

Zn 12:31

Aster-la mo pou ziz lemond e so gran sef pou deor.

2 Pi 2:4

Bondie pa finn epargne bann move anz, me finn zet zot dan lanfer, finn ansenn zot dan nwar ziska zour zizman;

Mk 1:24

“Zezi Nazaret, ki to oule, ki to vinn rode ar nou? To finn vini pou fini nou? Mo kone ki to ete: tomem Sin, tomem sorti kot Bondie.”

Ef 2:2

Lontan zot ti pe viv sa lavi-la; sa lepok-la zot ti pe swiv bondie sa lemond-la, sa prins ki ant lesiel ek later, sa lespri ki pe azir aster parmi bann ki opoz Bondie.

Lk 10:18

Zezi reponn zot, “Mo finn trouv Satan tonbe kouma zekler depi lesiel.

1 Zn 3:10

Ala kouma nou rekonet enn zanfan Bondie ek zanfan diab: seki pa pratik lazistis, li pa sorti kot Bondie, parey kouma seki pa kontan so frer e so ser.

Mt 13:38

Karo-la samem lemond; e bann bon lagrin-la zotmem bann zanfan Rwayom Bondie; move lerb reprezant bann zanfan lennmi Bondie,

Revelasion 20:10

Lerla, zot ti zet Satan, ki ti sedwir tou dimounn, dan landrwa kot dife ek souf ti pe brile; dan sa landrwa lamem zot ti zet bebet ek fos profet la. Lanwit-lizour zot pou tourmante pou touzour.

1 Zn 5:19

Nou kone ki nou zanfan Bondie, e lemond antie li dan pouvwar Lemal.

1 Zn 3:5

Zot kone ki Lekris finn vini pou efas nou bann pese, e limem, li pena okenn pese dan li.

Revelasion 20:15

Dimounn ki so nom pa ti ekrir dan liv lavi, ti zet li dan basin dife.

Let Zid 1:6

Zot rapel bann anz ki pa ti gard zot pozision, zot ti kit zot lakaz, e zot finn res touletan ansene dan prizon teneb ziska gran zour zizman Bondie.

Mt 4:3

Diab vinn ar li e dir li, “Si tomem Garson Bondie, donn lord sa bann ros-la vinn dipin.”

Mt 12:28

Me si mwa, mo sas demon par Lespri Bondie, savedir ki regn Bondie finn deza vinn kot zot.

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemond krwar dan li E li finn mont dan laglwar.

Eb 9:26

sinon li ti pou bizin soufer ankor ek ankor depi fondasion lemond. Me la kouma li ete, li finn paret enn fwa pourtou ziska lafin pou efas pese par sakrifis so prop lekor.

1 Zn 1:2

Sa lavi-la finn manifeste li, e nou finn tann li, nou finn trouv li e temwagn lor li; e nou anons zot lavi eternel ki ti avek nou Papa e ki finn manifeste ar nou.