1 Zn 3:16 - Nouvo Testaman Kreol Morisien Harmonisation NTPS KM

¹⁶ Ala kouma nou kone ki vedir lamour: Zezi Kris finn donn so lavi pou nou. Nou osi nou bizin donn nou lavi pou nou bann frer ek ser.

Nouvo Testaman dan Kreol Morisien

¹⁶ Ala kouma nou kone ki vedir lamour: Zezi Kris finn donn so lavi pou nou. Nou osi nou bizin donn nou lavi pou nou bann frer ek ser.

1 Zn 3:16 Referans Kwoze

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

Zn 13:34

Mo donn zot enn komannman nouvo: kontan zot kamarad, parey kouma mwa, mo kontan zot. Zot bizin kontan zot kamarad.

Zn 3:16

Bondie finn telman kontan lemond, ki li finn donn so Sel Garson pou ki tou dimounn ki krwar dan Li, pa mor me gagn lavi eternel.

Let pou Romin 5:8

Me ala ki manier Bondie prouve ki kantite lamour li ena pou nou: letan nou ti ankor peser, Lekris finn mor pou nou.

Revelasion 1:5

e kot Zezi Kris, temwin fidel, premie-ne parmi bann mor e dirizan bann lerwa lor later. Zezi Kris kontan nou, par so lamor li finn tir nou dan nou pese.

1 Pi 3:18

Ofet, Zezi Kris limem li finn soufer pou pese tou dimounn; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

Mt 20:28

parey kouma Garson Limanite pa finn vini pou ki dimounn servi li, me pou servi dimounn e donn so lavi kouma enn ranson pou boukou dimounn.”

Zistwar Bann Zapot 20:28

Vey lor zotmem e lor tou zot troupo kot Lespri Sin finn met zot gardien. Pran swin Legliz ki Bondie finn gagne pou limem par disan so prop Garson.

Ef 5:25

Mari, kontan zot fam parey kouma Lekris ti kontan Legliz e li ti donn so lavi pou li

Let pou Tit 2:13

Nou pe atann dan lesperans sa gran zour-la kot laglwar Bondie nou Sover dan Zezi Kris pou manifeste li.

Let pou Romin 16:4

Zot ti riske zot lavi pou mwa. Pa mo tousel ki dir zot mersi me tou Legliz dan lemond non-Zwif rekonesan anver zot.

1 Zn 2:6

Dimounn ki dir li ini avek li, bizin mars parey kouma li.

Zn 10:15

Kouma mo papa konn mwa, e mwa mo konn mo papa, mo pare pou donn mo lavi pou mo bann brebi.

Let pou Filipien 2:17

Mem si mo disan bizin fane pou sakrifis ek servis zot lafwa, mo zwaye e mo rezwir avek zot tou.

Revelasion 5:9

Zot sant enn nouvo kantik: “To merit pran liv-la e kas so bann sele parski zot finn touy twa, e avek to disan, to finn raste pou Bondie, dimounn toutsort tribi, langaz, pei ek nasion.

1 Pi 2:24

Dan so prop lekor li finn sarye nou pese lor lakrwa, pou ki nou aret viv dan pese e viv enn fason ki korek. Par so bann blesir, nou finn geri.

1 Pi 1:18

Zot kone, li pa pou nanye ditou ki zot finn sove dan zot move manier viv, ki zot finn erite ar zot anset. Pa larzan ou lor ki ti sov zot,

Let pou Filipien 2:30

Li ti manke mor akoz travay Bondie. Li finn riske so lavi pou li kapav ed mwa, kiksoz ki zot pa pe kapav fer zotmem.

Zn 10:11

Momem bon berze; enn bon berze expoz so lavi pou so bann mouton.

1 Tes 2:8

Nou lafeksion pou zot li telman gran ki nou ti pare pou partaz avek zot, pa zis Bonn Nouvel Bondie me osi nou prop lavi, telman zot ti finn vinn pros ar nou.

1 Zn 2:9

Dimounn ki dir, “Mo dan lalimier,” apre li ayir so frer ek so ser, li ankor dan teneb.

2 Ko 4:12

Savedir lamor pe fer so travay dan nou, me lavi pe fer so travay dan zot.