1 Zn 3:10 - Nouvo Testaman Kreol Morisien Harmonisation NTPS KM

¹⁰ Ala kouma nou rekonet enn zanfan Bondie ek zanfan diab: seki pa pratik lazistis, li pa sorti kot Bondie, parey kouma seki pa kontan so frer e so ser.

Nouvo Testaman dan Kreol Morisien

¹⁰ Ala kouma nou rekonet enn zanfan Bondie ek zanfan diab: seki pa pratik lazistis, li pa sorti kot Bondie, parey kouma seki pa kontan so frer e so ser.

1 Zn 3:10 Referans Kwoze

1 Zn 4:8

Bondie limem lamour, dimounn ki pa kontan so kamarad, li pa konn Bondie.

3 Zn 1:11

Kamarad, pa bizin imit seki mal me imit seki bien. Dimounn ki fer dibien li avek Bondie; dimounn ki fer lemal li pa konn Bondie.

1 Zn 4:21

Ala komannman ki li finn donn nou: seki kontan Bondie bizin kontan so frer ek so ser osi.

Zn 8:44

Zot sorti ar diab. Limem zot papa; akoz samem zot ena mem santiman ki li. Depi koumansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

Mt 13:38

Karo-la samem lemond; e bann bon lagrin-la zotmem bann zanfan Rwayom Bondie; move lerb reprezant bann zanfan lennmi Bondie,

Zn 8:47

Dimounn ki sorti kot Bondie, li ekout Parol Bondie; se parski zot pa sorti kot Bondie ki zot pa ekout so Parol.”

Lk 6:35

Me zot, kontan zot lennmi, fer dibien, e prete san atann nanye an-retour. Zot rekonpans pou gran, e zot pou zanfan Bondie Treo parski li bon ar bann ingra ek bann move.

1 Zn 4:6

Nou, nou sorti kot Bondie. Dimounn ki konn Bondie ekout nou, e dimounn ki pa sorti kot Bondie, pa ekout nou. Koumsa mem ki nou rekonet Lespri Bondie ki vre ek lespri dimal ki fos.

Ef 5:1

Zot, bann zanfan ki Bondie kontan, zot bizin imit li.

1 Zn 5:2

Ala kouma nou kone ki nou kontan bann zanfan Bondie: kan nou kontan Bondie e nou obeir so bann komannman.

1 Zn 2:29

Si zot kone ki Lekris zis, alor zot osi rekonet ki tou dimounn ki fer seki zis, li enn zanfan Bondie.

Zistwar Bann Zapot 13:10

“Twa ki rize e ranpli ar mesanste, zanfan diab e lennmi lazistis, to pa pou aret detourn sime drwat Lesegner?

1 Zn 5:19

Nou kone ki nou zanfan Bondie, e lemond antie li dan pouvwar Lemal.

Zn 1:12

Li finn donn tou dimounn ki finn resevwar li e ki krwar dan so nom pouvwar pou vinn zanfan Bondie.

Zn 11:52

Pa zis pou zot tou sel, me pou ki tou bann zanfan Bondie ki finn disperse, vinn enn sel.

Let pou Romin 13:8

Fode pa ena okenn det anver personn, exsepte dwa zot kamarad lamour. Seki kontan lezot, li akonplir lalwa.

Let pou Kolosien 3:14

Pli inportan ki tou, viv dan lamour, samem ki fer linite dan larmoni.

1 Tim 1:5

Konpran kifer mo pe donn sa lord-la. Mo oule lamour dan enn leker prop, enn konsians drwat ek enn lafwa sinser.

1 Zn 3:1

Zot trouve ki kantite Bondie Papa kontan nou. So lamour li telman gran pou nou ki li apel nou zanfan Bondie; e vremem, samem ki nou ete. Ala kifer lemond pa konn nou, parski li pa finn konn Bondie.

1 Zn 3:2

Mo bann kamarad, nou deza bann zanfan Bondie, me li pa kler kouma nou pou ete apre. Me nou kone kan li pou vini nou pou resanble li, parski nou pou trouv li parey kouma li ete.