1 Zn 2:6 - Nouvo Testaman Kreol Morisien Harmonisation NTPS KM

⁶ Dimounn ki dir li ini avek li, bizin mars parey kouma li.

Nouvo Testaman dan Kreol Morisien

⁶ Dimoun ki dir li ini avek li, bizin mars parey kouma li.

1 Zn 2:6 Referans Kwoze

1 Pi 2:21

Akoz samem ki Bondie finn apel zot parski Kris limem finn soufer pou zot, li finn donn zot enn lexanp pou zot swiv li.

Zn 13:15

Mo finn donn zot sa lexanp-la pou ki zot fer parey kouma mo finn fer ar zot.

1 Ko 11:1

Swiv mo lexanp, parey kouma mo swiv lexanp Lekris.

1 Zn 3:6

Seki viv ini avek Kris, pa kontign fer pese; seki fer pese, pa finn trouv li, ni finn konn li.

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

Mt 11:29

Met mo fardo lor zot ledo, e vinn aprann ar mwa parski mo karakter li dou e mo leker ranpli ar limilite

1 Zn 2:4

Dimounn ki dir, “Mo konn li,” me pa gard so komannman, li enn manter e pena laverite dan li.

1 Zn 2:28

Aster-la mo bann zanfan, res ini avek li, pou ki ler li revel li, nou kapav ranpli ar lasirans, e nou pa onte devan li zour ki li vini.

Psom 85:13

Drwatir pou mars divan LESEGNER pou prepar sime pou li.

Zn 15:10

Si zot gard mo bann komannman, zot pou res dan mo lamour parey kouma mwa, mo gard komannman mo Papa e mo res dan so lamour.

1 Zn 3:24

Dimounn ki obeir komannman Bondie li res ini avek Bondie e Bondie pou prezan dan li. Ala kouma nou kone ki Bondie viv dan nou, par so Lespri ki li finn donn nou.

1 Zn 4:17

Lamour li parfe dan nou. Alor, zour zizman, nou pou ena boukou kouraz parski dan sa lemond-la nou parey kouma li.