1 Zn 2:14 - Nouvo Testaman Kreol Morisien Harmonisation NTPS KM

¹⁴ Bann zanfan, mo pe ekrir zot, parski zot konn Bondie Papa. Bann gran dimounn, mo pe ekrir zot parski zot konn Sa-Enn ki existe depi koumansman. Bann zenes, mo pe ekrir zot parski zot for, Parol Bondie li abit dan zot, e zot finn vink lemal.

Nouvo Testaman dan Kreol Morisien

¹⁴ Bann zanfan, mo pe ekrir zot, parski zot konn Bondie Papa. Bann gran dimoun, mo pe ekrir zot parski zot konn Sa Enn ki existe depi komansman. Bann zenes, mo pe ekrir zot parski zot for, parol Bondie li abit dan zot, e zot finn vink lemal.

1 Zn 2:14 Referans Kwoze

Psom 119:11

Mo prezerv to parol dan mo leker pou mo pa fer pese kont twa.

1 Zn 2:13

Mo pe ekrir zot, gran dimounn, parski zot konn Sa-Enn ki existe depi koumansman. Mo pe ekrir zot, bann zenes, parski zot finn vink lemal.

Let pou Kolosien 3:16

Ki Parol Lekris prezan parmi zot dan tou so rises: ansegn zot prosin, fer zot ledikasion ar lasazes; par bann Psom, bann sante e bann kantik inspire par Lespri, sant zot rekonesans pou Bondie

Zn 15:7

Si zot res ar mwa e mo parol res ar zot, tou seki zot demande zot pou gagne.

Ef 6:10

Pou termine, fortifie zot dan Lesegner ek dan lafors so pwisans.

Zn 8:31

Lerla Zezi dir ar bann Zwif ki finn krwar dan li, “Si zot gard mo Parol, zot mo bann vre disip,

Zn 5:38

So Parol pa res dan zot leker parski zot pa krwar dan Sa-Enn ki li finn avoye la.

Revelasion 2:7

Seki ena zorey, ekout bien seki Lespri ena pou dir bann Legliz! Mo pou akord bann ki finn ranport laviktwar drwa pou manz fri zarb lavi ki trouv dan zardin Bondie.”

3 Zn 1:3

Mo ti bien kontan kan enn bann frer ti vini. Zot ti fer eloz to fidelite e kouma to pe mars dan laverite.

2 Zn 1:2

parski laverite res dan nou e pou res avek nou pou touletan.

Eb 8:10

Ala lalians ki mo pou fer aster-la avek Izrael. Apre sa bann zour-la, Lesegner dir: Mo pou met mo bann lalwa dan zot panse, mo pou ekrir bann lalwa-la dan zot leker. Momem zot Bondie, e zot, zot pou vinn mo pep.

Let pou Kolosien 1:11

Lafors so laglwar pou fortifie zot par tou fason e pou amenn zot ver enn perseverans ek enn pasians ki siport tou. Dan lazwa,

2 Tim 2:1

Timote, mo garson, les Lekris Zezi rann twa pli for.

Let pou Filipien 4:13

Mo kapav fer fas avek tou sa bann sitiasion-la parski Lekris li fortifie mwa.

Revelasion 2:3

To ena boukou pasians, to finn soufer akoz mwa e to pa finn dekouraze.

1 Zn 1:10

Si nou dir ki nou pa finn fer pese, nou fer li pas pou enn manter, e so parol pa dan nou.

Zn 8:37

Mo kone ki zot bann desandan Abraam selman zot pe rod touy mwa parski mo Parol pena plas dan zot leker.

1 Zn 1:1

Nou anons zot ki seki ti la depi koumansman, seki nou finn tande, seki nou finn trouve avek nou lizie, seki nou finn gete ek touse avek nou lame, samem parol lavi ki nou pe anons zot.