1 Zn 1:7 - Nouvo Testaman Kreol Morisien Harmonisation NTPS KM

⁷ Me si nou mars dan lalimier parey kouma limem ki dan lalimier, nou pou viv ini avek nou kamarad, e disan so Garson Zezi lav tou nou pese.

Nouvo Testaman dan Kreol Morisien

⁷ Me si nou mars dan lalimier parey kouma limem ki dan lalimier, nou pou viv ini avek nou kamarad, e disan so Garson Zezi lav tou nou pese.

1 Zn 1:7 Referans Kwoze

Ef 5:8

Avan zot ti teneb, aster-la dan Lesegner zot lalimier; mars kouma bann zanfan lalimier.

Revelasion 1:5

e kot Zezi Kris, temwin fidel, premie-ne parmi bann mor e dirizan bann lerwa lor later. Zezi Kris kontan nou, par so lamor li finn tir nou dan nou pese.

Let pou Romin 13:12

Lanwit pe preske fini, lizour pe aprose. Anou aret pratik bann aksion ki fer dan lobskirite e anou pran bann zarm ki servi dan lalimier.

Ef 1:7

Dan Lekris, nou finn gagn delivrans par so disan, dan Lekris nou bann fot finn pardone dapre rises so lagras.

Eb 9:14

aster-la, ki kantite disan Kris pli efikas! Par Lespri eternel, li finn ofer limem ar Bondie kouma enn sakrifis parfe, pou pirifie nou konsians; nou pena pou fer bann rit initil, me nou kapav servi Bondie vivan.

Revelasion 7:14

Mo dir li, “Mo Segner, tomem ki kone.” Lerla li dir mwa, “Sa bann-la, zot finn travers dan enn gran persekision, zot finn lav zot rob e finn fer zot vinn blan dan disan Agno.

1 Zn 1:5

Samem mesaz ki nou finn tande sorti kot li, ki finn anons zot ki Bondie li lalimier, dan li pena okenn teneb.

1 Ko 6:11

Ala kouma sertin parmi zot ti ete. Me nou Segner Zezi ek Lespri Bondie finn pirifie zot, finn sanktifie zot, ek finn met zot drwat devan Bondie.

1 Pi 1:19

me par disan presie Zezi Kris, parey kouma enn agno ki pena okenn defo.

Zn 12:35

Zezi dir zot, “Lalimier pou res ankor inpe letan avek zot; kontigne marse kan lalimier ankor ar zot, pou ki zot pa tom dan marenwar; parski dimounn ki mars dan nwar, pa kone kot li pe ale.

1 Zn 5:6

Zezi Kris, limem ki finn vini avek dilo so batem ek disan so lamor. Li pa finn vinn avek zis dilo, me avek dilo ek disan; e Lespri li rann temwaniaz ki sa vre, parski Lespri limem laverite.

1 Zn 1:3

Nou anons zot seki nou finn trouve ek tande pou ki zot osi zot res ini avek nou, ki ini avek nou Papa e so Garson Zezi Kris.

Psom 89:15

Bienere bann ki priye twa ar zoli sante; bann ki viv dan lalimier to prezans, SEGNER.

Psom 56:13

parski to finn anpes lamor kokin mwa ale e to finn anpes mwa tonbe, pou ki mo kontign mars divan Bondie dan so lalimier ki donn lavi.

Revelasion 12:11

Me zot, zot finn gagn batay par disan Agno Bondie e par parol zot temwaniaz, parski zot pa ti telman atase ar zot lavi pou zot refiz lamor.

1 Tim 6:16

li tousel imortel, li res dan enn lalimier kot personn pa kapav aprose. Personn pa finn trouv li, ni pe trouv li. Laglwar, pwisans eternel pou li. Amen.

Psom 97:11

Lalimier ekler lavi dimounn drwat; lazwa aroz bann leker drwat.

1 Zn 5:8

Lespri, dilo ek disan, e toule trwa dakor.

Let Zak 1:17

Tou don parfe ek tou bon kado sorti depi lao kot Bondie, Kreater lalimier. E Bondie pa sanze, li pa konn leklips ni lonbraz.

Zn 1:29

Landime, Zan trouv Zezi pe vini e li dir, “Get Agno Bondie ki tir pese lemond;

3 Zn 1:4

Pena nanye ki fer mwa plis plezir kan mo tann dir kouma mo bann zanfan pe mars dan laverite.

Psom 104:2

lalimier anvlop twa kouma enn manto. To finn kree lesiel kouma enn latant zean

2 Zn 1:4

Sa finn fer mwa enn gran lazwa pou trouv inpe parmi to bann zanfan pe mars dan laverite parey kouma Bondie Papa inn komann nou.

Psom 51:2

Lav mwa, retir tou mo bann fot, pirifie mwa, retir mo bann pese.

Mt 6:12

Pardonn nou nou bann pese, parey kouma nou pardonn bann ki finn ofans nou.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Zn 5:4