1 Tim 6:3 - Nouvo Testaman Kreol Morisien Harmonisation NTPS KM

³ Si kikenn donn enn lot lansegnman ki diferan ar bann vre Parol nou Segner Zezi e bann lansegnman dapre nou lafwa,

Nouvo Testaman dan Kreol Morisien

³ Si kikenn donn enn lot lansegnman ki diferan ar bonn parol nou Segner Zezi e bann lansegnman dapre nou lafwa,

1 Tim 6:3 Referans Kwoze

1 Tim 1:3

Kan mo ti kit Masedwann, mo ti rekomann twa res dan Efez. Ena dimounn pe propaz enn lot lansegnman. To bizin dir zot arete.

1 Tim 1:10

bann ki amenn move lavi, bann zom ki gagn relasion ant zot; lalwa finn fer pou bann marsan esklav, bann dimounn ki manter e ki zot parol pena valer, e pou tou bann ki komet aksion ki al kont vre lansegnman.

Let pou Tit 1:9

Li bizin tini ferm dan mesaz ki vre, parey kouma ti finn ansegne, pou ki so lansegnman ed dimounn ek koriz bann ki opoz zot.

2 Tim 4:3

Ler pou arive kot dimounn pou nepli anvi ekout bon lansegnman. Zot pou prefer swiv zot dezir ek ekout bann predikater ki pou vinn met dan zot zorey seki zot anvi tande.

Let pou Romin 16:17

Mo sipliye zot, bann frer, bann ser, res lor zot gard kont bann dimounn ki diviz lezot pou fer bann klik, e egar zot par bann lansegnman ki kontrer ar seki zot ti aprann. Evit sa bann-la.

Let pou Tit 1:1

Mwa Pol, serviter Bondie, mo enn zapot Zezi Kris ki finn swazir pou amenn bann krwayan dan lafwa ek gid zot dan laverite.

2 Tim 1:13

Swiv touzour bann bon parol ki to finn tann mwa dir dan lafwa ek lamour lor Lekris Zezi.

1 Tim 1:6

Ena finn perdi sime e zot lespri finn egare dan bann diskour ninport.

1 Tes 4:8

Akoz samem, dimounn ki rezet sa lansegnman-la, li pa pe rezet enn zom me Bondie ki donn osi so Lespri Sin.

Mt 28:20

Montre zot met an pratik tou seki mo finn komann zot. Pa bliye, mo avek zot toulezour ziska lafin dimond.”

Proverb 15:4

Bann zoli parol amenn lavi; koze gra fer leker fermal.

Let pou Tit 3:8

Sa enn parol sir. Mo oule ki to met lanfaz lor sa bann kestion-la afin ki bann ki finn met zot lafwa dan Bondie, zot ena aker pou fer lebien devan tou dimounn, seki enn bon zafer an limem.

Mt 22:21

Zot reponn, “Lanperer.” Li dir zot, “Rann lanperer seki pou lanperer e rann Bondie seki pou Bondie.”