1 Tim 5:17 - Nouvo Testaman Kreol Morisien Harmonisation NTPS KM

¹⁷ Bann ansien ki diriz bien Legliz merit enn doub saler, sirtou bann ki bizin travay dir pou prese ek ansegne.

Nouvo Testaman dan Kreol Morisien

¹⁷ Bann ansien ki diriz bien legliz merit enn doub saler, sirtou bann ki bizin travay dir pou prese ek ansegne.

1 Tim 5:17 Referans Kwoze

Eb 13:17

Obeir zot dirizan e swiv zot lord, parski bann-la pe vey lor zot nam, zot bann dimounn ki bizin rann kont Bondie. Fer zot travay avek boukou lazwa e non pa avek tristes parski sa pa pou amenn okenn lavantaz pou zot.

Ga 6:6

Dimounn ki resevwar lansegnman, bizin vinn enn partner avek seki finn donn li lansegnman.

Lk 10:7

Alor res dan sa lakaz-la, manze e bwar seki donn zot, parski enn zouvriye merit so saler.

Eb 13:7

Mazinn zot bann ansien dirizan ki finn anons zot parol Bondie. Mazinn fason ki zot ti pe viv e kouma zot finn mor, e imit zot lafwa.

2 Tim 2:6

Planter ki finn travay dir ki resevwar premie par rekolt.

Let pou Filipien 2:29

Avek tou zot leker, akeyir li dan zot kominote. Zot bizin ena boukou lestim pou dimounn parey kouma li.

Let pou Romin 12:8

si kikenn ena don pou ankouraz lezot, ki li ankouraze; si li ena don pou partaz avek lezot, ki li fer sa avek zenerozite; seki dirize, bizin fer sa avek zel; seki ed bann malere, fer sa avek lazwa.

Zistwar Bann Zapot 28:10

Zot ti tret nou avek boukou loner ek respe, e letan nou anbarke, zot finn fourni nou tou seki neseser pou nou vwayaz.

2 Ko 6:1

Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

Let pou Romin 16:12

Donn mo salitasion Trifenn ek Trifoza, sa bann madam ki pe travay dir pou Lesegner la; e osi Persis, enn madam ki nou bien kontan, ki fer boukou pou Lesegner.

Let pou Romin 15:27

Zot ti desid sa par zotmem. An realite zot pran sa kouma enn det anver Zerizalem. Si bann non-Zwif finn gagn enn partaz dan benediksion spiritiel bann Zwif, li zis ki bann non-Zwif partaz zot benediksion materyel ar bann Zwif.

Let pou Filipien 4:3

Mo pe osi dimann twa, mo partner, fidel pou ed sa bann fam-la parski zot finn konbat ansam avek mwa pou propaz Bonn Nouvel parey kouma Kleman ek leres bann kolaborater finn fer. Zot nom finn ekrir dan liv lavi.

1 Ko 16:16

obeir sa kalite dimounn-la e lezot seki travay ansam ar zot.

Zistwar Bann Zapot 11:30

Zot finn fer samem, e finn avoy zot don kot bann ansien dan Legliz Zide par Barnabas ek Sol.

2 Tim 4:2

proklam laparol, insiste touletan pou konvink. Fer repros ou donn lankourazman ki bizin kan to donn lansegnman. Pa perdi pasians.

1 Tim 4:16

Vey lor twa ek lansegnman ki to done. Persevere. Koumsa mem to pou sov tomem anmemtan ki to sov bann ki ekout twa.

1 Tim 3:5

Ki manier enn dimounn pou kapav pran sarz Legliz Bondie si li pa kapav diriz so prop fami?

Let pou Filipien 2:16

Parski zot finn port mesaz ki donn lavi, zour Lesegner li pou enn fierte pou mwa. Mo pou kone ki mo pa finn galoupe ek travay pou nanye.

Mt 24:25

Ekout bien! Mo finn deza averti zot davans.

Eb 13:24

Fer konpliman tou zot dirizan, ek tou pep Bondie. Bann frer e bann ser an Itali fer zot konpliman.

1 Tim 4:10

Kan nou lite, kan nou debat nou montre ki nou lesperans baze dan Bondie vivan ki Sover tou dimounn, Sover bann ki ena lafwa.

1 Ko 15:10

Me par lagras Bondie mo finn vinn seki mo ete. Sa lagras ki li finn akord mwa la, li pa dan vid. Okontrer, mo finn travay plis ki tou lezot Zapot; non, pa mwa, me lagras Bondie ki avek mwa.

Zistwar Bann Zapot 20:35

Dan tou seki mo finn fer, mo finn montre zot kouma avek travay dir, nou kapav pran swin bann feb. Rapel parol ki Lesegner Zezi ti dir, ‘Ena plis benediksion kan done, ki kan resevwar.’ ”

Zn 4:38

Mwa, mo pe avoy zot rekolte, kot zot pa finn plante; enn lot bann finn trime me zot, zot pou profit travay-la.”

Lk 12:42

Lesegner reponn, “Ki sa administrater fidel ek bien serye ki finn gagn responsabilite ar so met pou vey lor so bann serviter e gete si zot gagn zot par manze dan ler?

1 Tim 5:3

Pran swin bann vev, sirtou seki retrouv zot dan labandon.

1 Tim 4:6

Si to expoz tou sa bann parol-la ar bann frer ek ser, to pou vinn enn bon serviter Zezi Kris. Zot pou trouve ki to pe nouri twa avek Parol lafwa e ki to pe swiv bon lansegnman avek serye.

1 Ko 3:9

Nou pe travay ansam avek Bondie, e zot, zotmem plantasion Bondie, zotmem konstriksion Bondie.

1 Tim 4:14

Pa negliz don lagras ki to finn resevwar kan bann profet ti pronons parol dan to faver e group bann ansien ti inpoz lame lor twa.

1 Tim 5:19

Napa les fer akizasion kont enn ansien si pena de ou trwa temwin.