1 Tim 5:10 - Nouvo Testaman Kreol Morisien Harmonisation NTPS KM

¹⁰ To bizin gete si li ena bon repitasion, si li finn bien elve so bann zanfan, si li finn konn akey dimounn, si li finn met limem oservis bann frer ek ser ki vini, si li finn aport sekour bann malere, si li finn fer dibien ek bann bon aksion.

Nouvo Testaman dan Kreol Morisien

¹⁰ To bizin gete si li ena bon repitasion, si li finn bien elve so bann zanfan, si li finn konn akey dimoun, si li finn met limem oservis bann frer ek ser ki vini, si li finn aport sekour bann malere, si li finn fer dibien ek bann bonaksion.

1 Tim 5:10 Referans Kwoze

1 Tim 6:18

Rekomann zot fer lebien. Zot bizin ris ar bon aksion, fer bann don ek partaze.

Let pou Tit 3:8

Sa enn parol sir. Mo oule ki to met lanfaz lor sa bann kestion-la afin ki bann ki finn met zot lafwa dan Bondie, zot ena aker pou fer lebien devan tou dimounn, seki enn bon zafer an limem.

Zistwar Bann Zapot 9:36

Dan lavil Zope ti ena parmi bann disip enn fam ki ti apel Tabita, dan langaz Grek so nom vedir Dorkas, ki vedir gazel. Li ti touzour fer dibien pou ed bann pov.

Let pou Tit 3:1

Rapel tou dimounn ki zot bizin respekte bann dirizan ek bann otorite sivil. Zot bizin viv dan lobeisans ek fer bann bon aksion.

Let pou Tit 2:7

To pou enn lexanp pou zot dan manier ki to viv. Met serye ek sinserite dan to lansegnman.

2 Tim 3:17

pou ki enn serviter Bondie li kalifie ek ekipe pou fer enn bon travay.

Let pou Romin 12:13

Partaz seki zot ena ar bann frer ek ser ki pena. Pratik lospitalite touletan.

Lk 7:44

Zezi vire get madam-la, li dir Simon, “To trouv sa madam-la? Mo finn rant kot twa, to pa finn donn mwa dilo pou lav mo lipie, me li, li finn tranp mo lipie ar so larm e li finn souy li ar so seve.

Mt 5:16

Dan samem fason, les to lalimier briye devan tou dimounn, pou ki zot kapav trouv to bann bienfe e loue to Papa dan lesiel.

1 Pi 2:12

Ena enn bon kondwit parmi bann payin; lerla, mem si zot dir foste lor zot e tret zot kouma malfeter, zot pou oblize rekonet bann bon travay ki zot pe fer e glorifie Bondie kan li retourne.

Eb 13:21

Ki sa Bondie lape la, fer zot pratik tou seki bon pou zot fer so volonte; ki li realiz dan nou seki bon devan so lizie atraver Zezi Kris, pou li laglwar pou touzour.

Eb 13:2

Pa refiz pou akeyir bann etranze dan zot lakaz. Dimounn ki finn fer sa, zot finn akeyir bann anz kot zot san ki zot kone.

Eb 10:24

Anou panse kouma nou kapav ankouraz nou kamarad pou ena lamour ek pou fer dibien.

Let pou Tit 3:14

Bann Kretien bizin aprann servi zot letan fer bon kiksoz pou reponn bann vre bezwin. Koumsa zot pou raport bann fri.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Lk 7:38

Li dibout deryer Zezi, kot so lipie, li ti pe plore, li ti pe mouy lipie Zezi avek so larm e li ti pe souy li avek so seve. Li ti pe anbras lipie Zezi e vers parfin lor so lipie.

3 Zn 1:12

Tou dimounn ti koz bon koze lor Demetreyis. Laverite osi ti rann temwaniaz dan so faver. Nou osi, nou temwagn dan so faver, e to kone ki sa temwaniaz-la li vre.

1 Pi 4:9

Ouver zot laport ar tou dimounn san ki zot plengne.

2 Tim 3:15

Depi to lanfans, to konn Lekritir ki kapav donn twa sazes pou ena lafwa dan Lekris Zezi ki sov nou.

2 Tim 2:21

Koumsa mem, seki prezerv limem kont bann erer, li pou parey enn ki ena valer par so pirte. So met pou pran li bien swin ek li pou itil pou tou bann lokazion.

2 Tim 1:5

Mo touzour rapel lafwa sinser ki dan to leker. Samem lafwa ki to finn resevwar avek to granmer Lois ek to mama Enis.

1 Tim 5:25

Mem zafer pou bann bon aksion, pou trouv zot klerman; mem seki pa tro vizib difisil pou kasiet.

1 Tim 2:10

Kouver zot plito ar bann bon aksion; koumsa mem enn fam fer kan li respekte Bondie.

Let pou Kolosien 1:10

pou ki zot amenn enn lavi dign Lesegner, e ki zot rod fer li plezir. Par tou seki zot pou fer de bon, zot pou prodir bann fri e zot pou progrese dan vre konesans Bondie.

Ef 2:10

Nou, nou louvraz Bondie, li finn fasonn nou, li finn kree nou dan Zezi Kris pou ki nou realiz bann bon aksion ki Bondie finn prepare davans.

Zistwar Bann Zapot 22:12

La ti ena enn nome Ananias, ki ti bien devwe, bien fidel pou gard lalwa, ki ti ena estim tou bann Zwif Damas.

Zistwar Bann Zapot 10:22

Zot reponn li, “Kapitenn Korney ki finn avoy nou isi. Li enn dimounn drwat ki ena bel respe pou Bondie, e bann Zwif bien estim li. Enn anz Bondie ki finn dir li invit twa dan so lakaz pou li ekout seki to ena pou dir.”

Zistwar Bann Zapot 9:39

Lerla Pier al ar zot. Kan li ariv laba zot amenn li dan lasam lao. Tou bann vev antour li, zot ti pe plore. Zot montre li bann semiz e lezot linz ki Dorkas ti koud letan li ti ankor vivan.

Zistwar Bann Zapot 6:3

Alors, bann frer, swazir set zom parmi zot ki ena bon repitasion, ki ranpli avek Lespri Sin ek sazes pou fer sa travay-la.

Psom 119:4

To finn donn nou to instriksion, nou bizin obeir zot san fot.

1 Tim 5:16

Si enn madam krwayan ena vev dan so fami, li bizin pran li ansarz e pa fie lor Legliz parski Legliz bizin okip bann vev ki tousel.

1 Tim 3:7

Bizin ki dimounn andeor ena boukou lestim pou li, pou ki li pa tom dan laont e anmemtan pa may dan lak diab.

1 Tim 3:2

Levek bizin enn dimounn ki san repros, enn mari fidel, enn dimounn sinp, rezonab e respektab, ki ena lespri ouver e fode li kapav donn lansegnman.

Mt 25:17

Serviter ki ti resevwar de talan-la fer parey li osi, e li gagn ankor de talan.