1 Tim 4:3 - Nouvo Testaman Kreol Morisien Harmonisation NTPS KM

³ Zot pou ansegn ki fode pa marye, e zot defann manz sertenn nouritir. Pourtan Bondie finn kree sa bann nouritir-la pou ki bann krwayan ki konn laverite kapav rann li gras.

Nouvo Testaman dan Kreol Morisien

³ Zot pou ansegn ki fode pa marye, e zot defann manz sertenn nouritir. Pourtan Bondie finn kre sa bann nouritir la afin ki bann krwayan ki konn laverite kapav rann li gras.

1 Tim 4:3 Referans Kwoze

1 Tim 4:4

Tou seki Bondie kree, li bon. Nanye pa bizin zete, me akeyir plito avek remersiman.

Eb 13:4

Respekte lavi maryaz. Bann ki finn marye bizin res fidel avek zot lalians parski Bondie pou ziz bann ki azir enn fason imoral ek komet adilter.

Let pou Romin 14:6

Seki trouv enn zour spesial, li fer sa pou onor Lesegner. Seki manz laviann, li manze pou onor Lesegner, parski li rann aksiondegras Bondie; e seki pa manze, li onor Lesegner, e li rann aksiondegras Bondie.

Let pou Kolosien 2:16

Aster-la, personn pa kapav kondann zot pou bann kestion manze-bwar, konsernan bann fet, nouvel linn oubien saba.

1 Ko 8:8

Pourtan pa enn kiksoz ki nou manze ki pou fer nou vinn pli pre ar Bondie. Nou pa perdi nanye akoz manze, e nou pa gagn nanye akoz manze.

Let pou Kolosien 3:17

Tou seki zot kapav dir ou fer, fer li dan nom Segner Zezi, e par li, rann gras Bondie Papa.

1 Ko 7:28

Si to rant dan lavi maryaz to pa pe fer pese, e si enn fam ki pa marye desid pou marye, li pa komet pese. Me seki rant dan lavi maryaz, pou fer fas enn kantite difikilte dan sa lemond-la. Samem ki mo pe rod protez zot.

Let pou Romin 14:3

Fode pa ki dimounn ki manz tou, mepriz dimounn ki pa koumsa; e fode pa ki dimounn ki pa manz tou, kondann dimounn ki manz tou, parski Bondie aksepte li.

Eb 13:9

Pa les toutsort lansegnman etranze anbet zot. Li bon ki zot fortifie zot leker avek lagras Bondie, e non pa par bann regleman konsernan manze. Bann ki finn obzerv sa bann regleman-la pa finn tir okenn benefis ladan.

1 Tim 2:4

ki oule sov tou dimounn pou ki zot arive konn laverite.

1 Ko 6:13

Ena enn koze ki dir, “Manze finn fer pou ranpli vant, vant finn fer pou manze,” me Bondie pou detrir toule-de. Nou pa kapav fer seki nou anvi avek nou lekor. Nou lekor li pou Lesegner, e Lesegner li pou nou lekor.

Let pou Romin 14:17

An-efe, rwayom Bondie pa enn zafer manze ou bwar, me li konsern drwatir, lape ek lazwa ki Lespri Sin done.

Mt 15:36

Li pran sa set dipin-la ek bann pwason-la, ler li fini remersi Bondie, li kas zot, li donn so bann disip e bann-la partaz avek lafoul.

Mt 14:19

Li ordonn lafoul pou instal zotmem lor lerb, li pran sa sink dipin ek sa de pwason-la, li lev so lizie ver lesiel e li beni zot. Apre sa li kas bann dipin-la, li donn bann disip pou distribie avek lafoul.

Zistwar Bann Zapot 27:35

Ler li fini dir sa, li pran dipin, li rann gras Bondie devan tou dimounn. Lerla li kas dipin, li koumans manze.

Zn 6:23

Me bann lezot pirog sorti Tiberiad e vinn dan landrwa kot lafoul finn manz dipin apre ki Lesegner finn rann gras.

Lk 24:30

Letan li atab avek zot, li pran dipin, li beni li, li kas li e li donn zot.

Mt 15:11

seki enn dimounn met dan so labous pa kapav rann li inpir, me seki sorti dan so labous, samem ki rann li inpir.”

1 Tim 5:14

Preferab zot remarye, gagn zanfan e okip zot lakaz pou ki bann adverser pa koz nou koze.