1 Tim 2:3 - Nouvo Testaman Kreol Morisien Harmonisation NTPS KM

³ Sa li enn gran zafer e li agreab pou Bondie nou Sover

Nouvo Testaman dan Kreol Morisien

³ Sa li enn gran zafer e li agreab pou Bondie nou Sover

1 Tim 2:3 Referans Kwoze

Eb 13:16

Pa bliye pou fer dibien ek partaz seki zot ena, parski samem bann sakrifis ki fer plezir Bondie.

1 Tim 1:1

Mwa, Pol, mo finn vinn zapot Zezi Kris gras-a promes Bondie nou Sover ek Zezi Kris nou lesperans.

1 Pi 2:20

Ofet ki merit zot ena si zot siport bann kou kan zot finn fer ditor? Me si, apre ki zot finn fer dibien, zot ena pou soufer, sa li enn lagras devan Bondie.

Let pou Romin 14:18

Seki servi Lekris dan sa fason-la li agreab devan Bondie ek li aprouve par dimounn.

1 Pi 2:5

Zot osi, parey kouma bann ros vivan, pran zot plas dan konstriksion enn lakaz spiritiel. Form enn kominote pret ki konsakre pou Bondie, pou kapav ofer bann sakrifis spiritiel ki fer Bondie plezir atraver Zezi Kris.

1 Tes 4:1

Finalman frer ek ser, zot finn aprann avek nou kouma zot bizin konport zot pou fer plezir Bondie, e zot pe deza fer li. Aster-la nou dimann zot e nou sipliy zot lor nom Segner Zezi, pou fer plis ankor.

Let pou Kolosien 1:10

pou ki zot amenn enn lavi dign Lesegner, e ki zot rod fer li plezir. Par tou seki zot pou fer de bon, zot pou prodir bann fri e zot pou progrese dan vre konesans Bondie.

Lk 1:47

e mo leker ranpli ar lazwa akoz Bondie, mo Sover,

Let pou Filipien 1:11

zot pou ranpli ar fri lazistis ki sorti kot Zezi Kris pou laglwar ek louanz Bondie.

1 Tim 5:4

Si enn vev ena zanfan ou ti-zanfan, bizin montre zot kouma met an-pratik zot lafwa anver zot fami e rann zot paran ou gran paran seki zot dwa. Vremem, sa pou fer Bondie plezir.

Let pou Filipien 4:18

Mo finn resevwar tou, mem plis ki seki mo pou bizin. Epafrodit finn aport mwa zot bann don kouma enn sakrifis kifer plezir Bondie.

2 Tim 1:9

Li finn sov nou ek li apel nou, non pa akoz nou kapasite, me par so prop volonte. Li donn nou so lagras dan Lekris Zezi avan tou siek.

1 Tim 4:10

Kan nou lite, kan nou debat nou montre ki nou lesperans baze dan Bondie vivan ki Sover tou dimounn, Sover bann ki ena lafwa.