1 Tim 1:5 - Nouvo Testaman Kreol Morisien Harmonisation NTPS KM

⁵ Konpran kifer mo pe donn sa lord-la. Mo oule lamour dan enn leker prop, enn konsians drwat ek enn lafwa sinser.

Nouvo Testaman dan Kreol Morisien

⁵ Konpran kifer mo pe donn sa lord la. Mo oule lamour dan enn leker prop, enn konsians drwat ek enn lafwa sinser.

1 Tim 1:5 Referans Kwoze

1 Tim 1:19

Gard to lafwa ek to konsians drwat. Ena dimounn pa finn pran mo parol an konsiderasion e zot lafwa finn fer nofraz.

Ga 5:22

Me bann fri ki Lespri li prodir, li lamour, lazwa, lape, pasians, bonte, konpreansion, fidelite,

2 Tim 2:22

Fer atansion bann piez kot zenes rantre san panse. Touzour viv drwat. Pratik lafwa, lasarite, lape avek bann dimounn sinser kan zot invok Lesegner.

2 Tim 1:5

Mo touzour rapel lafwa sinser ki dan to leker. Samem lafwa ki to finn resevwar avek to granmer Lois ek to mama Enis.

2 Tim 1:3

Mo rann gras Bondie ki mo servi avek enn konsians kler, parey kouma mo bann anset. Lanwit, lizour mo pa aret pans twa dan mo lapriyer.

1 Pi 3:21

Sa enn fason pou montre batem ki pe sov zot aster-la; pa pou lav inpirte dan zot lekor, me kouma enn langazman ar Bondie pou enn konsians prop; li sov zot par rezireksion Zezi Kris,

1 Pi 3:16

alor fer li avek zantiyes ek respe. Gard zot konsians kler, pou ki letan zot gagn insilte, bann ki dir dimal lor zot bonn kondwit kouma Kretien, zot pou onte ar seki zot pe dir.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

2 Pi 1:7

avek latasman ar Bondie azout lafeksion ki zot ena ant zot, avek lafeksion ki zot ena ant zot azout lamour.

Let pou Romin 10:4

Lekris finn amenn lalwa ver so lafin, pou ki tou seki krwar Bondie, zot zistifie.

Let pou Tit 1:15

Tou kiksoz pir pou dimounn ki gard zot pir. Me pou bann ki inpir e ki pena lafwa, nanye pa pir. Zot lespri mem e zot konsians pa prop.

1 Tim 3:9

Zot bizin gard laverite lafwa dan enn konsians kler.

2 Ko 1:12

Rasinn nou fierte, se temwaniaz nou konsians: nou konportman dan lemond e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

Psom 51:10

Bondie, kree an mwa enn leker pir ek prop renouvel an mwa enn lespri nouvo ek lwayal.

1 Pi 4:8

Avan tou, kontan zot kamarad, parski lamour pou fer zot pardonn boukou pese lezot.

Let Zak 4:8

Apros zot ar Bondie e li pou vinn pros ar zot. Zot, bann peser, netway zot lame ek pirifie zot leker ipokrit.

Zistwar Bann Zapot 23:1

Pol fixe bann manb konsey e li dir zot, “Mo bann frer, mo konsians trankil lor manier mo finn servi Bondie ziska aster-la.”

Psom 24:4

Bann ki zot lame prop ek zot leker kler, ki pa priye idol e ki pa fer promes dan vid.

1 Zn 3:3

Dimounn ki ena sa kalite lesperans dan Kris, pou rann limem pir parey kouma li.

Eb 10:22

Anou apros nou kot Bondie avek enn leker sinser ek enn lafwa total, leker prop dan enn lekor lave avek dilo pir.

1 Ko 13:1

Si mo koz langaz imin osi bien ki langaz bann anz, me mo pena lamour, mo zis enn ferblan vid ki fer tapaz ou enn sinbal ki fer boukou dibri.

Let pou Romin 14:15

Si to bles enn frer ou enn ser akoz enn aliman ki to manze, alor to nepli pe azir par lamour. Pa les sa aliman ki twa to manze la koz lapert pou enn lot dimounn pou ki Lekris finn donn so lavi.

Let pou Romin 9:1

Mo pe koz laverite dan Lekris; mo pa pe koz manti, mo konsians ki gide par Lespri Sin rann temwaniaz dan mo faver:

Zistwar Bann Zapot 24:16

Akoz samem mo finn touletan fer tou mo posib pou ki mo konsians kler devan Bondie ek devan bann zom.

Zistwar Bann Zapot 15:9

Li pa finn fer okenn diferans ant zot ek nou, li finn pirifie zot leker par lafwa.

Mt 12:35

Enn bon dimounn tir dan so bon trezor bann bon kiksoz, e enn dimounn move tir move kiksoz dan so move trezor.

Mt 5:8

Bienere zot ki ena leker san tas, zot pou ar Bondie e zot pou trouv li.

1 Zn 3:23

Ala so komannman, ki nou bizin krwar dan nom so garson Zezi Kris e kontan nou prosin, parey kouma li finn komann nou.

Eb 13:18

Priye pou nou. Nou sir ki nou ena enn konsians kler ek enn volonte pou azir kouma bizin.

Eb 9:14

aster-la, ki kantite disan Kris pli efikas! Par Lespri eternel, li finn ofer limem ar Bondie kouma enn sakrifis parfe, pou pirifie nou konsians; nou pena pou fer bann rit initil, me nou kapav servi Bondie vivan.

Ga 5:6

Pou kikenn ki avek Zezi Kris, sirkonsizion ou pa sirkonsizion, sa pena okenn linportans; lafwa ki azir par lamour ki konte.

Let pou Romin 12:9

Lamour bizin sinser. Deteste seki move, atas zot ar seki bon.

1 Tim 1:18

Timote, mo garson, kan mo pe fer tou sa bann rekomandasion-la, mo mazinn bann profesi ki konsern twa. Pran sa parol-la kouma enn gid dan sa gran komba ki to ena pou amene la.

1 Zn 3:10

Ala kouma nou rekonet enn zanfan Bondie ek zanfan diab: seki pa pratik lazistis, li pa sorti kot Bondie, parey kouma seki pa kontan so frer e so ser.