1 Tim 1:19 - Nouvo Testaman Kreol Morisien Harmonisation NTPS KM

¹⁹ Gard to lafwa ek to konsians drwat. Ena dimounn pa finn pran mo parol an konsiderasion e zot lafwa finn fer nofraz.

Nouvo Testaman dan Kreol Morisien

¹⁹ Gard to lafwa ek to konsians drwat. Ena dimoun pa finn pran mo parol ankonsiderasion e zot lafwa finn fer nofraz.

1 Tim 1:19 Referans Kwoze

1 Tim 3:9

Zot bizin gard laverite lafwa dan enn konsians kler.

Revelasion 3:10

Parski to finn res fidel ar mo parol, mwa osi mo pou protez twa kont maler ki pou tap lemond antie e ki pou teste bann abitan later.

1 Tim 6:9

Me bann ki anvi vinn ris, zot tom dan tantasion. Zot bann move dezir met zot dan latrap, e samem ki amenn dimounn dan perdision.

Let pou Tit 1:9

Li bizin tini ferm dan mesaz ki vre, parey kouma ti finn ansegne, pou ki so lansegnman ed dimounn ek koriz bann ki opoz zot.

Revelasion 3:8

Mo konn to travay. Ala mo finn ouver enn laport pou twa ki personn pa kapav ferme. Mo kone ki to ena enn tigit lafors, pourtan, to finn res fidel ar mo parol e to pa finn renie mwa.

Eb 3:14

Ofet nou enn partner avek Lekris, si nou gard sa konfians ki nou ena depi koumansman la, ziska lafin.

2 Tim 4:4

Zot pou tourn ledo ar laverite pou ekout toutsort kalite zistwar.

1 Zn 2:19

Sa bann zans-la finn sorti kot nou me zot pa ti vremem ar nou, lakoz samem zot inn kit nou; parski si zot ti ar nou, zot ti pou res avek nou, me zot finn fer li kler ki personn parmi zot pa ar nou.

1 Tim 6:21

Ena dimounn sipoze posed bel-bel konesans me zot finn elwagn zot ar lafwa. Mo swet zot lagras Bondie.

1 Tim 1:5

Konpran kifer mo pe donn sa lord-la. Mo oule lamour dan enn leker prop, enn konsians drwat ek enn lafwa sinser.

Ga 5:4

Si zot sey vinn drwat devan Bondie par lobeisans lalwa, zot koup zot avek Kris, ek zot met zotmem andeor so lagras.

1 Ko 11:19

San dout li bon ki ena divizion parmi zot, parski koumsa kapav kone kisann-la parmi zot ki vremem fidel.

Revelasion 3:3

Rapel bien lansegnman ki to finn resevwar e fason ki to finn tann li. Res touzour fidel ar Bondie e sanz to konportman. Si to pa revey twa, mo pou vinn may twa par sirpriz kouma enn voler dan lanwit san ki to kone ki ler.

Mt 6:27

E kisann-la parmi zot, dan so linkietid, kapav prolonz so lavi.

1 Tim 6:12

Amenn gran konba lafwa, pran posesion lavi eternel pou lekel Bondie finn apel twa parski to finn fer enn zoli konfesion to lafwa dan prezans boukou temwin.

2 Tim 2:18

Zot finn ekart zot ar la verite ek finn amenn skandal kan zot ti pretann ki dimounn mor finn fini resisite.