1 Tes 5:12 - Nouvo Testaman Kreol Morisien Harmonisation NTPS KM

¹² Mo bann frer e ser, nou pe dimann zot pou respekte bann ki pe travay parmi zot, ki instrir zot, e ki ansarz zot devan Lesegner.

Nouvo Testaman dan Kreol Morisien

¹² Mo bann frer e ser, nou pe dimann zot pou respekte bann ki pe travay parmi zot, ki instrir zot, e ki ansarz zot dan Lesegner.

1 Tes 5:12 Referans Kwoze

Eb 13:17

Obeir zot dirizan e swiv zot lord, parski bann-la pe vey lor zot nam, zot bann dimounn ki bizin rann kont Bondie. Fer zot travay avek boukou lazwa e non pa avek tristes parski sa pa pou amenn okenn lavantaz pou zot.

Eb 13:7

Mazinn zot bann ansien dirizan ki finn anons zot parol Bondie. Mazinn fason ki zot ti pe viv e kouma zot finn mor, e imit zot lafwa.

1 Ko 16:18

Bann-la finn fer mo lespri trankil, kouma finn fer sa osi pou zot. Bizin konn apresie sa kalite dimounn-la.

1 Ko 16:16

obeir sa kalite dimounn-la e lezot seki travay ansam ar zot.

1 Ko 15:10

Me par lagras Bondie mo finn vinn seki mo ete. Sa lagras ki li finn akord mwa la, li pa dan vid. Okontrer, mo finn travay plis ki tou lezot Zapot; non, pa mwa, me lagras Bondie ki avek mwa.

Let pou Tit 1:3

Kan finn ariv lemoman, Bondie nou Sover finn manifeste so parol par enn proklamasion ki finn konfie mwa par so lord.

1 Tes 5:14

Nou pe sipliy zot, frer ek ser, pou averti bann ki pares, ankouraz bann ki gagn per, ed bann feb, ena pasians pou zot tou.

1 Ko 12:28

Bondie finn met tou anplas dan Legliz. Premie, li finn met Zapot, deziem bann profet, trwaziem bann ki responsab pou ansegne, apre bann ki akonplir mirak, apre bann ki kapav geri malad, bann ki ed lezot, bann ki diriz travay Legliz, e bann ki koz langaz ki ena parol etranz.

1 Ko 3:9

Nou pe travay ansam avek Bondie, e zot, zotmem plantasion Bondie, zotmem konstriksion Bondie.

Zistwar Bann Zapot 20:35

Dan tou seki mo finn fer, mo finn montre zot kouma avek travay dir, nou kapav pran swin bann feb. Rapel parol ki Lesegner Zezi ti dir, ‘Ena plis benediksion kan done, ki kan resevwar.’ ”

Zistwar Bann Zapot 20:28

Vey lor zotmem e lor tou zot troupo kot Lespri Sin finn met zot gardien. Pran swin Legliz ki Bondie finn gagne pou limem par disan so prop Garson.

Lk 10:7

Alor res dan sa lakaz-la, manze e bwar seki donn zot, parski enn zouvriye merit so saler.

Revelasion 1:20

Ala sinifikasion mister sa set zetwal ek set sandelie an-or ki zot ti trouve dan mo lame drwat. Sa set zetwal-la reprezant bann anz, e sa set lalanp-la reprezant set Legliz.”

Let pou Tit 1:5

Mo finn les twa dan Kret, pou terminn lorganizasion Legliz ek etablir bann ansien dan sak lavil. Pa bliye seki mo finn dir twa:

2 Tim 2:6

Planter ki finn travay dir ki resevwar premie par rekolt.

Let pou Kolosien 1:29

Se pou sa ki mo travay, ki mo lite avek tou so lafors ki azir avek pwisans dan mwa.

Let pou Filipien 2:16

Parski zot finn port mesaz ki donn lavi, zour Lesegner li pou enn fierte pou mwa. Mo pou kone ki mo pa finn galoupe ek travay pou nanye.

Ga 4:11

Zot fer mwa sagrin ki mo finn perdi mo letan travay ar zot.

2 Ko 11:23

Bann-la serviter Lekris? Mo pou dir enn foli la: mo meyer serviter ki zot. Mo finn travay plis ki zot; mo finn fer plis prizon ki zot; mo finn plis gagn bate, e mo finn pas pre ar lamor plis ki zot.

2 Ko 6:1

Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

2 Ko 5:9

Ki nou dan sa lekor-la ou andeor li, nou anvi fer nou Segner plezir. Sa nou pli gran dezir sa.

Revelasion 3:14

Let ki finn ekrir pou anz dan Legliz Laodise: “Ala parol Amen, vre temwin fidel ki lasours kreasion Bondie:

Revelasion 3:7

Let ki finn ekrir pou anz dan Legliz Filadelfi: “Sa-enn ki sin ek vre, ki ena lakle David, li ouver e personn pa kapav ferme, li ferme e personn pa kapav ouver:

Revelasion 3:1

Let ki finn ekrir pou anz dan Legliz Sard: “Sa-enn ki ena set lespri Bondie ek set zetwal la deklare: Mo konn to travay, mo kone ki to ena repitasion enn bon vivan, ler gete to enn mor.

Revelasion 2:18

Let ki finn ekrir pou anz dan Legliz Tiatir: “Ala seki garson Bondie ki ena lizie kouma enn laflam dife ek lipie parey kouma bronz ki finn bien poli deklare.

Revelasion 2:12

Let ki finn ekrir pou anz dan Legliz Pergam: “Sa-enn ki ena lepe ki koup de kote la deklare:

Revelasion 2:8

Let ki finn ekrir pou anz dan Legliz Smirn: “Sa-enn ki premie ek dernie ki ti finn mor e ki finn resisite la deklare:

Revelasion 2:3

To ena boukou pasians, to finn soufer akoz mwa e to pa finn dekouraze.

1 Tes 2:9

Frer ek ser, zot rapel nou lapenn ek nou travay. Nou finn trime lanwit-lizour pou ki nou pa enn fardo pou zot letan ki nou pe anons zot Bonn Nouvel Bondie.

Zn 4:38

Mwa, mo pe avoy zot rekolte, kot zot pa finn plante; enn lot bann finn trime me zot, zot pou profit travay-la.”

Let pou Tit 2:15

Ala seki to pou dir kan to pou prese. Dir sa san ezite avek otorite. Pa les personn mepriz twa.

1 Tim 5:20

Si kikenn fer pese, repran li an piblik koumsa lezot pou fer atansion.

1 Tim 5:1

Pa koz brit ar enn vie dimounn, me koz ar li kouma to koz ar to papa. Tret bann zennzan kouma to frer.

Let pou Filipien 2:19

Mo swete avoy zot Timote biento; li pou enn lankourazman pou mwa pou gagn zot nouvel.

Let pou Romin 16:6

Salie Marie ki finn travay boukou pou nou.

Let pou Romin 16:12

Donn mo salitasion Trifenn ek Trifoza, sa bann madam ki pe travay dir pou Lesegner la; e osi Persis, enn madam ki nou bien kontan, ki fer boukou pou Lesegner.

1 Tes 4:1

Finalman frer ek ser, zot finn aprann avek nou kouma zot bizin konport zot pou fer plezir Bondie, e zot pe deza fer li. Aster-la nou dimann zot e nou sipliy zot lor nom Segner Zezi, pou fer plis ankor.