1 Tes 5:11 - Nouvo Testaman Kreol Morisien Harmonisation NTPS KM

¹¹ Alor ankouraz zotmem e fortifie zot bien, parey kouma zot deza pe fer.

Nouvo Testaman dan Kreol Morisien

¹¹ Alor ankouraz zotmem e fortifie zot bien, parey kouma zot deza pe fer.

1 Tes 5:11 Referans Kwoze

Ef 4:29

Napa koz move koze, me servi bann parol ki fortifie e ki donn seki neseser pou dibien bann dimounn ki tann zot.

Eb 10:25

Anou pa abandonn nou lasanble kouma de-trwa finn pran labitid; okontrer anou plis ankouraz nou kamarad parski kouma zot trouve zour Lesegner pe aprose.

Let pou Romin 15:2

Sakenn parmi nou bizin fer so prosin plezir pou so prop bien, pou ki li progrese dan lafwa.

Eb 3:13

Me ki sakenn ankouraz so kamarad zour apre zour. Zot bizin kontigne osi lontan ki ena enn letan ki apel “zordi” pou ki personn parmi zot pa les so leker vinn ros, oubien les pese anbet zot.

1 Tes 4:18

Akoz samem zot bizin ankouraz sakenn ant zot avek sa bann parol-la.

Let pou Romin 14:19

Anou rod seki amenn lape e permet nou progres ansam dan lafwa.

1 Ko 14:12

Parey pou zot. Parski zot ena enn gran dezir pou ena don ki Lespri done, ena plis dezir pou edifie Legliz par abondans don ki zot pe rode.

Ef 4:12

pou ki bann krwayan ena kapasite akonplir zot minister, pou grandi lekor Lekris.

Let Zid 1:20

Me zot, mo bann kamarad, zot bizin kontigne ed zot kamarad pou konstrir lor mesaz ki Bondie finn donn zot. Zot bizin priye avek led Lespri Sin;

Ef 4:16

Par li bann diferan parti lekor vinn ansam; lekor antie tini ansam par bann zwintir; alors koumsa mem li grandi e li devlope dan lamour.

1 Ko 10:23

Ena enn koze ki dir, “Nou kapav fer seki nou oule.” Wi, me pa tou kiksoz ki bon. “Nou kapav fer seki nou oule,” wi, me pa tou kiksoz ki konstriktif.

2 Pi 1:12

Akoz samem mo panse li normal ki mo kontigne rapel zot sa bann kitsoz-la, mem si zot deza konn li e ki zot bien atase ek laverite ki zot ena aster-la.

2 Ko 12:19

Tousa letan-la zot ti pe panse ki nou pe defann noumem devan zot? A non! Nou pe koz kouma Lekris ti pou anvi nou koze devan Bondie. Tousala, mo bann kamarad, li pou ki zot progrese dan zot lafwa.

1 Ko 14:29

Pou seki resevwar mesaz profetik, de oubien trwa profet kapav pran laparol, e lezot bizin evalie seki pe dir avek boukou swin.

Let pou Romin 15:14

Mo bann frer, mo bann ser, mo ena konviksion ki zot ranpli ar bonte, ki zot ena tou konesans e ki zot kapav ansegn zot kamarad.

1 Tim 1:4

Anpes zot rakont toutsort kalite zistwar ek koz gran-gran koze lor bann anset parski tousala pa servi nanye. Zis par lafwa ki plan Bondie avanse.

1 Tes 4:10

Biensir, zot kontan tou bann frer ek ser dan Masedwann. Me nou sipliy zot pou fer ankor plis.

1 Ko 14:5

Mo ti pou kontan ki sakenn parmi zot ti kapav koz an lang, me mo prefer ki zot profetize. Seki profetize pli gran ki seki koz an lang, amwin ki li donn explikasion pou ki sa fortifie Legliz.