1 Tes 4:9 - Nouvo Testaman Kreol Morisien Harmonisation NTPS KM

⁹ Aster-la, konsernan lamour pou bann frer ek ser, nou pa bizin ekrir zot lor la, parski zot finn aprann zotmem ar Bondie kouma kontan zot prosin.

Nouvo Testaman dan Kreol Morisien

⁹ Asterla, konsernan lamour pou bann frer ek ser, nou pa bizin ekrir zot lor la, parski zot finn aprann zotmem ar Bondie kouma kontan zot prosin.

1 Tes 4:9 Referans Kwoze

1 Zn 3:11

Samem mesaz ki zot finn tande depi koumansman: ki nou bizin kontan nou prosin.

Let pou Romin 12:10

Ena lafeksion pou zot kamarad kouma bann frer ek ser. Ena enn gran respe pou zot kamarad.

1 Zn 3:23

Ala so komannman, ki nou bizin krwar dan nom so garson Zezi Kris e kontan nou prosin, parey kouma li finn komann nou.

1 Zn 4:21

Ala komannman ki li finn donn nou: seki kontan Bondie bizin kontan so frer ek so ser osi.

Eb 13:1

Kontigne kontan zot kamarad kouma bann frer ek ser.

1 Tes 5:1

Li pa neseser ki nou ekrir zot, mo bann frer e ser, konsernan ler ek moman ki sa pou arive.

Zistwar Bann Zapot 4:32

Sa group krwayan la ti ena enn sel leker, enn sel lespri; personn pa ti dir ki so dibien pou li tousel sa, me zot ti met tou ansam an kominote.

1 Zn 2:10

Dimounn ki kontan so frer ek so ser, li pe viv dan lalimier, e pena nanye dan li ki kapav fer li ek lezot tom dan pese.

2 Pi 1:7

avek latasman ar Bondie azout lafeksion ki zot ena ant zot, avek lafeksion ki zot ena ant zot azout lamour.

1 Pi 4:8

Avan tou, kontan zot kamarad, parski lamour pou fer zot pardonn boukou pese lezot.

1 Pi 3:8

Finalman, zot tou, zot bizin ena mem lespri, mem konpasion ek mem santiman lamour ant zot. Ena enn bon leker e viv avek limilite.

Eb 10:16

“Samem lalians ki mo pou fer avek zot apre sa bann zour-la, Bondie deklare, Mo pou met mo bann lalwa dan zot leker, mo pou ekrir zot dan zot lespri.”

Zn 14:26

Me Sa-Enn ki pou defann zot la, limem Lespri Sin ki mo Papa pou avoy lor mo nom. Li, li pou montre zot tou kiksoz e li pou fer zot rapel tou seki mo finn dir zot.

Psom 133:1

Ala li zoli la! Sa ki enn plezir sa! Lepep Bondie viv dan larmoni ek lakorite!

Mt 22:39

Deziem pli inportan ‘To kontan to prosin kouma tomem’

2 Ko 9:1

Li pa vremem neseser ki mo ekrir zot lor size led ki bizin avoy bann krwayan ki dan Zide.

Let pou Filipien 3:15

Nou, bann adilt dan lafwa, nou bizin ena mem preokipasion. Me si zot ena enn lot lopinion lor ninport ki size, Bondie pou ekler zot.