1 Tes 4:6 - Nouvo Testaman Kreol Morisien Harmonisation NTPS KM

⁶ Dan sa zafer-la, ki personn ant zot pa fer dimal so prosin oubien abiz lor li. Nou finn deza dir zot sa avan, la nou pe averti zot ki Bondie pou pini bann ki komet sa bann fot-la.

Nouvo Testaman dan Kreol Morisien

⁶ Dan sa zafer la, ki personn ant zot pa fer dimal so prosin oubien abiz lor li. Nou finn deza dir zot sa avan, la nou pe averti zot ki Bondie pou pini bann ki komet sa bann fot la.

1 Tes 4:6 Referans Kwoze

Eb 13:4

Respekte lavi maryaz. Bann ki finn marye bizin res fidel avek zot lalians parski Bondie pou ziz bann ki azir enn fason imoral ek komet adilter.

Let pou Romin 12:19

Mo bann kamarad, pa rod tir vanzans zotmem, me les Bondie regle sa dan so zizman, kouma Lekritir dir: “Mwa ki pou tir vanzans, mwa ki pou regle kont.”

Let pou Romin 1:18

Depi lesiel lao, Bondie montre so koler kont tou pese e tou linzistis ki dimounn komet, e par sa bann move aksion-la zot touf laverite.

Proverb 28:24

Zanfan ki kokin so paran e ki dir: “pa enn pese sa,” li pa pli bon ki enn bandi.

Let Zak 5:4

Ekout mwa! Zot finn refiz pey saler bann travayer ki finn travay dan zot karo. Bann-la pe fer konplint e lavwa bann ki fer larekolt finn ariv dan zorey Bondie Toupwisan.

Let Zak 2:6

Me zot finn dezonor bann pov. Kisann-la ki kraz zot e trenn zot devan tribinal? Pa bann ris?

Ga 5:21

lanvi, soulezon, fiesta, ek tou sort kalite lezot move aksion. Mo averti zot parey kouma mo finn fer li avan, tou bann dimounn ki pratik sa bann kiksoz-la, zot pa pou erit Rwayom Bondie.

Let pou Romin 13:4

parski dirizan-la li enn serviter Bondie pou to prop bien. Me si to pratik lemal, la to bizin ena lafreyer; pa pou nanye ki li ena pouvwar pou pini. Li enn serviter Bondie, li montre koler Bondie lor seki pratik lemal.

Lk 12:5

Mo pou montre zot kisann-la zot bizin per: gagn per Sa-Enn ki non selman kapav detrir zot me ena osi pouvwar pou zet zot dan lanfer. Wi, mo dir zot, Sa Enn-la ki zot bizin gagn per.

2 Tes 1:8

zot pou vini avek enn laflam dife, pou vanz kont bann ki pa konn Bondie e ki pa obeir Bonn Nouvel nou Segner Zezi Kris.

Ef 5:6

Napa les personn anbet zot ar bann parol vid, parski sa bann kiksoz lamem ki amenn lakoler Bondie lor bann dimounn ki dezobeir.

Ef 4:17

Dan nom Lesegner, mo averti zot: zot bizin aret viv kouma bann non-krwayan viv; bann-la zot panse pena okenn valer,

Mk 10:19

To konn bann komannman: pa touy dimounn, pa viv dan ladilter, pa kokin, pa fer fos temwaniaz, pa fer ditor to prosin, onor to papa ek to mama.”

Proverb 20:23

LESEGNER pa kontan kan trik balans; li malonet kan fos mizir.

Proverb 20:14

kliyan plengne kan aste; me kan fini aste li blage.

Proverb 11:1

LESEGNER deteste bann ki fos zot balans; me sa fer li plezir kan servi enn pwa ki zis.

Psom 140:12

Mo kone ki LESEGNER pran par bann pov; li defann drwa bann ki bizin so led.

Psom 94:1

SEGNER, to enn Bondie ki pini; twa, Bondie ki pini, revel tomem!

Ef 4:28

Voler bizin aret kokin; okontrer li bizin fer travay onet ar so prop lame pou ki li kapav ena seki bizin pou partaz ar bann pov.

Proverb 16:11

Balans onet ek mezir zis, zot pou LESEGNER; li finn donn sak pwa so valer.

Lk 16:28

parski mo ena sink frer laba. Averti zot pou ki zot osi, zot pa vinn dan sa dife-la.’

2 Ko 7:11

Get enn kou rezilta tristes selon Bondie: wi, gete ki kalite bonn volonte zot ena, komie zot prese pou defann zotmem, ki indignasion zot ena, lafreyer osi, dezir pou retrouv mwa, zel ki zot ena, lanvi pou pini lemal. Zot finn prouve ki zot inosan dan sa zafer-la.

1 Tes 2:11

Kouma zot kone, nou finn tret sakenn parmi zot kouma enn papa tret so bann zanfan.

Eb 2:6

Kikenn finn dir dan Lekritir: “Ki imin ete pou to mazinn li? ki imin ete pou to pran li kont?