1 Tes 3:6 - Nouvo Testaman Kreol Morisien Harmonisation NTPS KM

⁶ Me, Timote fek retourne depi kot zot avek bann bon nouvel lor zot lafwa ek zot lamour. Li finn dir nou osi ki zot pe touzour pans nou e pe anvi retrouv nou parey kouma nou osi nou anvi retrouv zot.

Nouvo Testaman dan Kreol Morisien

⁶ Me Timote fek retourne depi kot zot avek bann bon nouvel lor zot lafwa ek zot lamour. Li finn dir nou osi ki zot pe touzour pans nou e pe anvi retrouv nou parey kouma nou osi nou anvi retrouv zot.

1 Tes 3:6 Referans Kwoze

1 Ko 11:2

Mo felisit zot parski zot ankor rapel mwa dan tou kiksoz, ek zot ankor swiv tradision Kretien ki mo finn kit ar zot.

1 Tes 1:3

Devan nou Bondie ek Papa nou rapel seki zot finn fer akoz zot lafwa, kouma zot finn travay dir akoz zot lamour pou Zezi e kouma zot finn tini ferm dan lesperans pou Zezi Kris.

Zistwar Bann Zapot 18:5

Kan Silas ek Timote ti vinn depi Masedwann, Pol ti devwe tou so letan zis pou pres laparol ek dir bann Zwif ki Zezi limem Lemesi.

Proverb 25:25

Parey kouma dilo fre apez nou laswaf, enn bon nouvel fer nou leker kontan.

Let pou Filipien 1:8

Bondie, li temwin, ki kantite mo anvi trouv zot. Li kone mo pran zot swin parey kouma Zezi Kris.

1 Zn 3:23

Ala so komannman, ki nou bizin krwar dan nom so garson Zezi Kris e kontan nou prosin, parey kouma li finn komann nou.

Eb 13:7

Mazinn zot bann ansien dirizan ki finn anons zot parol Bondie. Mazinn fason ki zot ti pe viv e kouma zot finn mor, e imit zot lafwa.

Eb 13:3

Mazinn bann ki dan prizon, fer koumadir zot osi, zot ansam dan prizon e parski zot enn mem lekor, partaz soufrans bann ki pe gagn maltrete.

Let pou Filemon 1:5

parski mo finn tann bann bon koze lor to lamour pou tou bann frer krwayan ek to lafwa ferm dan Segner Zezi.

2 Tim 1:3

Mo rann gras Bondie ki mo servi avek enn konsians kler, parey kouma mo bann anset. Lanwit, lizour mo pa aret pans twa dan mo lapriyer.

1 Tim 1:5

Konpran kifer mo pe donn sa lord-la. Mo oule lamour dan enn leker prop, enn konsians drwat ek enn lafwa sinser.

2 Tes 1:3

Nou bann frer ek ser, nou bizin touzour rann gras Bondie pou zot. Li bien ki nou fer sa, parski zot lafwa pe boukou grandi, e lamour ki sakenn ena ant zot pe osi grandi.

1 Tes 2:17

Mo bann frer ek ser, mem si nou finn separe fizikman ar zot pou enn ti letan, zot touzour dan nou panse. Pandan sa letan-la zot ti mank nou boukou, me nou ti ena enn gran dezir pou retrouv zot ankor.

1 Tes 2:9

Frer ek ser, zot rapel nou lapenn ek nou travay. Nou finn trime lanwit-lizour pou ki nou pa enn fardo pou zot letan ki nou pe anons zot Bonn Nouvel Bondie.

Let pou Kolosien 4:18

Mwa Pol, mo ekrir sa bonzour-la ek mo lame: Pa bliye mo dan prizon. Bondie li bon pou zot!

Let pou Kolosien 1:4

parski nou finn tann koz zot lafwa dan Zezi Kris ek zot lamour pou tou bann disip,

Ga 5:6

Pou kikenn ki avek Zezi Kris, sirkonsizion ou pa sirkonsizion, sa pena okenn linportans; lafwa ki azir par lamour ki konte.

1 Ko 13:13

Sa trwa kiksoz-la reste: lafwa, lesperans ek lamour. Me dan sa trwa-la, lamour pli gran.

Zistwar Bann Zapot 18:1

Apre sa Pol kit Atenn e li al Korint.

Zistwar Bann Zapot 16:1

Pol ti ariv Derb ek List akot ti ena enn disip ki apel Timote. So mama ti enn Zwiv e ti enn krwayan osi. So papa ti enn Grek.

1 Tes 3:7

Mo bann frer e ser, akoz samem dan tou nou detres ek soufrans nou finn gagn boukou kouraz akoz zot lafwa.