1 Tes 1:5 - Nouvo Testaman Kreol Morisien Harmonisation NTPS KM

⁵ parski kan nou finn amenn zot mesaz Bonn Nouvel, li pa zis par laparol, me li osi avek pwisans ek led Lespri Sin e avek enn gran konviksion. Zot kone kouma nou finn viv parmi zot pou zot prop dibien.

Nouvo Testaman dan Kreol Morisien

⁵ parski kan nou finn amenn zot mesaz Bonn Nouvel, li pa zis par laparol, me li osi avek pwisans ek led Lespri Sin e avek enn gran konviksion. Zot kone kouma nou finn viv parmi zot pou zot prop dibien.

1 Tes 1:5 Referans Kwoze

Mk 16:20

So bann disip sorti e zot al proklam Bonn Nouvel partou kote; Lesegner ti pe travay avek zot e bann mirak ki ti pe arive ti pe montre ki zot predikasion ti vre.

1 Tes 2:13

Nou touzour pe rann gras Bondie parski letan nou finn anons zot so Parol, zot finn ekoute e zot finn aksepte li, pa kouma enn parol imin me kouma enn parol ki vremem sorti kot Bondie e ki pe azir dan zot, bann krwayan.

1 Pi 1:12

Bondie ti revel ar bann profet ki zot pa ti pe servi zot prop lintere, me ti pou zot ki li ti transmet sa mesaz ki ti finn deza anonse par pwisans Lespri Sin depi dan lesiel. Mem bann anz ti anvi konn sa mesaz-la.

2 Tes 2:14

Atraver Bonn Nouvel ki nou finn anons zot, Koumsa mem Bondie finn apel zot pou ete. Li finn apel zot pou ki zot gagn zot par dan laglwar nou Segner Zezi Kris.

Let pou Kolosien 2:2

Mo anvi zot leker pran kouraz e reini dan lamour, pou ki zot gagn rises, konpreansion ek enn konesans total mister Bondie: sa mister-la se Lekris limem;

1 Ko 4:20

Rwayom Bondie pa depann lor koze, me lor pwisans.

Ef 3:20

Par so pwisans ki azir dan nou, Bondie kapav fer boukou plis ki nou dimande, mem boukou plis ki nou kapav imazine,

Let pou Romin 1:16

Mo ena konfians total dan Bonn Nouvel. Limem lafors ki Bondie servi pou sov tou seki krwar, bann Zwif dabor, me osi bann non-Zwif.

Zistwar Bann Zapot 11:21

Lame Bondie ti lor zot ek enn kantite ti krwar e ti tourn ver Lesegner.

2 Tim 2:10

Mo pe siport tousala pou bann ki Bondie finn swazir. Alor Lekris Zezi pou sov zot ek zot pou gout laglwar eternel.

2 Tim 2:8

Zame bliye Zezi Kris. Li finn resisite. Li finn pran nesans dan fami David, so anset. Samem Bonn Nouvel ki mo anonse.

Let pou Filipien 4:9

Kontigne fer tou seki zot finn aprann ek resevwar ar mwa, seki zot finn tande e trouv mwa fer. Bondie lape pou res avek zot.

2 Pi 1:10

Alor mo bann frer ek ser, double zot zefor pou montre vremem ki Bondie finn swazir ek apel zot; ler zot fer sa, zame zot pa pou tom dan lemal.

1 Pi 1:3

Ki Bondie, Papa nou Segner Zezi Kris, li beni; parski dan so gran mizerikord, li finn donn nou enn nouvo lavi ler li resisit Zezi depi bann mor, e li donn nou enn lesperans vivan;

Eb 6:11

Me nou anvi ki zot tou montre sa mem lantouzias ziska lafin pou ki zot lesperans kapav realize.

Let pou Filipien 2:13

parski Bondie pe fer so travay dan zot, li inspir zot pou fer zot ena volonte pou realiz tou dapre so bon plan.

Ef 2:10

Nou, nou louvraz Bondie, li finn fasonn nou, li finn kree nou dan Zezi Kris pou ki nou realiz bann bon aksion ki Bondie finn prepare davans.

Ga 5:5

Pou nou, par Lespri ek par lafwa, nou atann dan lesperans ki Bondie rann nou zis.

Ga 2:2

Mo finn monte apre enn revelasion ki mo finn gagne. Mo finn prezant bann-la Bonn Nouvel ki mo anonse parmi bann non-Zwif. Mo ti fer sa dan enn renion prive ar bann dirizan pli inportan. Mo pa ti anvi ki travay ki mo finn fer, ek seki mo pe fer aster-la, zot initil e pa servi nanye.

2 Ko 3:6

Limem ki fer nou vinn enn minis konpetan pou servi nouvo lalians, ki pa depann lor lalwa ki ekrir me lor Lespri. Lalwa amenn lamor, me Lespri donn lavi.

1 Ko 10:33

Koumsa mem mo viv pou fer plezir tou dimounn; olie mo rod mo prop lintere, mo rod lintere tou dimounn pou ki zot kapav sap dan pese.

1 Ko 3:16

Zot tou sirman kone ki zot lekor Tanp Bondie e ki Lespri Bondie li viv dan zot.

1 Ko 3:6

Mwa mo finn plant lagrin, Apolos finn aroze, me Bondie ki finn fer pouse.

1 Ko 1:24

Me pou bann dimounn ki Bondie finn apele, Lekris limem ki montre sazes Bondie ek pwisans Bondie.

Let pou Romin 2:16

Samem ki pou arive zour ki Bondie pou ziz leker bann dimounn par Zezi Kris, kouma mo Bonn Nouvel anonse.

Zistwar Bann Zapot 16:14

Parmi zot ti ena enn fam ki apel Lidia, enn abitan Tiatir. Li ti enn marsan letof gran valer, li ti ador Bondie. Lesegner ti prepar so leker pou li ekout Pol avek atansion.

Zistwar Bann Zapot 2:33

Bondie ti plas li dan so kote drwat, e li finn resevwar promes Lespri Sin par so Papa; e Zezi finn repann seki zot pe trouve ek tande.

2 Pi 1:19

Alor nou kapav ena plis konfians dan mesaz sorti kot bann profet. Li dan zot lavantaz pou fer bien atansion parski li parey enn lalanp ki briye dan marenwar ziska lizour kan zetwal gramatin leve pou ekler zot leker.

1 Pi 5:3

Pa fer dominer ar bann ki anba zot, me vinn enn lexanp ki zot troupo pou kapav swiv.

Eb 10:22

Anou apros nou kot Bondie avek enn leker sinser ek enn lafwa total, leker prop dan enn lekor lave avek dilo pir.

Lk 1:1

Onorab Teofil: Boukou dimounn finn pran lapenn pou ekrir enn liv lor bann evennman ki finn pase kot nou.

Let pou Romin 15:13

Ki Bondie, lasours lesperans, ranpli zot ar lazwa ek lape par lafwa ki zot ena dan li, pou ki zot lesperans deborde par pwisans Lespri Sin.

1 Ko 9:14

Dan mem manier, Lesegner finn komann ki seki anons Bonn Nouvel gagn so lavi ar sa Bonn Nouvel-la.