1 Pi 4:7 - Nouvo Testaman Kreol Morisien Harmonisation NTPS KM

⁷ Lafin tou kiksoz pe aprose. Zot bizin serye ek disiplinn zotmem pou zot kapav priye.

Nouvo Testaman dan Kreol Morisien

⁷ Lafin tou kitsoz pe aprose. Zot bizin serye ek disiplinn zotmem pou zot kapav priye.

1 Pi 4:7 Referans Kwoze

1 Pi 1:13

Akoz samem zot bizin pare pou azir ar enn lespri eveye; met tou zot lesperans dan lagras ki Zezi Kris pou donn zot kan li pou revel li.

1 Pi 5:8

Pa fer zes; veye kouma bizin! Zot lennmi diab pe fer letour kouma enn lion feros; li pe rod kikenn pou devore.

2 Tim 4:5

Me twa, gard to lespri kler. Siport leprev, fer to travay predikasion Bonn Nouvel. Ranpli to servis.

Lk 21:34

“Pran kont pou ki zot leker pa angourdi par toutsort kalite kiksoz, par labwason ek bann difikilte lavi, sinon Gran Zour-la pou tom lor zot san ki zot atann,

Eb 10:25

Anou pa abandonn nou lasanble kouma de-trwa finn pran labitid; okontrer anou plis ankouraz nou kamarad parski kouma zot trouve zour Lesegner pe aprose.

Let pou Kolosien 4:2

Pa aret priye; se sa ki pou gard zot lespri vif e dan remersiman.

Let pou Tit 2:12

Samem lagras ki ansegn nou rezet linkrwayans ek bann zwisans lemond pou amenn enn lavi sinp lor later dan lazistis ek lafwa.

Let pou Romin 12:12

Montre lazwa dan lesperans, montre pasians dan detres, priye avek fidelite.

Let pou Filipien 4:5

Les tou dimounn konn zot bonte. Lesegner pe vini biento.

Lk 22:46

Li dir zot, “Kifer zot pe dormi? Leve, priye pou ki zot pa rant dan piez tantasion.”

Revelasion 16:15

Rapel seki Kris ti dir, “Ala, mo pe vini parey enn voler! Ere sa dimounn ki res eveye, so linz pare pou li mete, pou ki li pa mars touni, e gagn onte.”

1 Pi 3:7

Zot osi, bann mari, montre konsiderasion pou zot madam parski bann-la pa osi for ki zot. Tret zot avek respe parski zot osi zot eritie lagras Bondie. Lerla nanye pa pou kapav blok zot lapriyer.

Ef 6:18

Priye touzour dan pwisans Lespri ar tou kalite lapriyer e siplikasion dan tou sirkonstans; res lor zot gard, res fidel. Priye pou lepep Bondie.

1 Ko 15:24

Lerla, lafin pou vini, letan li pou remet Rwayom dan lame Bondie, apre ki li finn fini detrir tou regn, otorite ek pouvwar.

1 Ko 7:29

Seki mo pe rod dir, bann frer ek bann ser, letan ki reste bien tigit. Depi aster bann zom marye bizin viv koumadir zot pena fam;

Mt 24:42

Alor, mo dir zot pran kont, parski personn pa kone ki zour zot Segner pou vini.

Lk 21:36

Gard zot lizie ouver, priye pou ki zot gagn ase lafors pou sap dan bann maler ki pou arive, pou zot kapav dibout e prezant zot devan Garson Limanite.”

Mt 25:13

Zezi kontigne, li dir: “Pran kont, parski zot pa konn ni zour, ni ler.”

Eb 9:26

sinon li ti pou bizin soufer ankor ek ankor depi fondasion lemond. Me la kouma li ete, li finn paret enn fwa pourtou ziska lafin pou efas pese par sakrifis so prop lekor.