1 Pi 4:14 - Nouvo Testaman Kreol Morisien Harmonisation NTPS KM

¹⁴ Sa enn benediksion pou zot si zot pe gagn insilte akoz zot disip Kris, savedir Lespri Bondie ek Lespri so laglwar res ar zot.

Nouvo Testaman dan Kreol Morisien

¹⁴ Sa enn benediksion pou zot si zot pe gagn insilte akoz zot disip Kris, savedir Lespri Bondie ek Lespri so laglwar res ar zot.

1 Pi 4:14 Referans Kwoze

1 Pi 3:14

Me, mem si zot soufer pou fer dibien, Bondie pou beni zot. Pa bizin per personn e pa kas latet,

Lk 6:22

Bienere kan dimounn ayir zot, e kan met zot deor, insilte zot, abes zot, mal parl zot akoz Garson Limanite.

Let Zak 1:12

Li pou bienere sa dimounn ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

Mt 5:11

Zot pou Bienere kan dimounn insilte zot, persekit zot ek mal parl zot parski zot krwar dan mwa.

1 Pi 3:16

alor fer li avek zantiyes ek respe. Gard zot konsians kler, pou ki letan zot gagn insilte, bann ki dir dimal lor zot bonn kondwit kouma Kretien, zot pou onte ar seki zot pe dir.

Psom 146:5

Bienere dimounn ki trouv sekour dan Bondie ki Zakob ti priye; ki met tou lespwar dan LESEGNER so Bondie,

2 Ko 12:10

Akoz sa, pou Lekris, mo satisfe avek febles, insilt, detres, persekision ek langwas. Kan mo feb, lerla mem ki mo for.

Zn 15:21

Me bann-la pou fer tousala parski zot ar mwa e parski bann-la pa konn Sa-Enn ki finn avoy mwa la.

Let Zak 5:11

Nou deklar bann-la bienere parski zot finn ena landirans. Zot finn tann landirans Zob e zot finn trouve seki Bondie finn fer, kouma li finn montre konpasion ek mizerikord pou li.

Zistwar Bann Zapot 13:45

Me bann Zwif ti ranpli ar zalouzi letan zot trouv sa lafoul-la. Zot insilte Pol e kontredir seki li ti pe dir.

Psom 89:51

To lennmi insilte lerwa ki twa to finn swazir, SEGNER. Partou kot li pase li gagn zot insilt.

1 Pi 2:12

Ena enn bon kondwit parmi bann payin; lerla, mem si zot dir foste lor zot e tret zot kouma malfeter, zot pou oblize rekonet bann bon travay ki zot pe fer e glorifie Bondie kan li retourne.

Eb 11:26

Li ti konsidere ki soufer pou Lemesi ena boukou plis valer ki bann trezor Lezip, parski li ti gard so lizie fixe lor rekonpans ki pou vini apre.

Ga 1:24

E zot ti glorifie Bondie akoz mwa.

Zn 9:34

Zot reponn li, “To dan pese depi to nesans e aster-la to vinn pres nou moral? Montre nou seki nou bizin fer?” Apre sa, zot met li deor.

Zn 9:28

Zot tom lor li, zot insilte li, “Si twa to enn so bann disip, nou, nou bann disip Moiz.

Zn 8:48

Bann Zwif demann li, “Eski nou pena rezon dir ki to enn Samaritin e ki to ena enn demon lor twa?”

Mt 5:16

Dan samem fason, les to lalimier briye devan tou dimounn, pou ki zot kapav trouv to bann bienfe e loue to Papa dan lesiel.

Psom 49:9

personn pena ase kas pou evit lamor, oubien evit trou lamor.

2 Pi 2:2

Anplis, boukou dimounn pou swiv zot move sime, e akoz sa bann profeser-la, lezot pou dir move kiksoz lor sime laverite.

Zistwar Bann Zapot 18:6

Bann Zwif ti opoz Pol ek zot ti insilte li, lerla Pol sakouy so linz e li dir, “Si zot al dan perdision, zotmem antor! Mo pa responsab. Aster-la mo pou al kot bann payin.”

Zistwar Bann Zapot 5:41

Bann zapot ti kit lasal konsey leker kontan parski ti konsider zot dign pou gagn maltrete akoz nom Zezi.

Zistwar Bann Zapot 28:22

Me nou anvi tann twa, ki to panse. Nou kone ki partou dimounn pa dakor ar sa group ki to pe swiv la.”

2 Ko 4:10

Dan nou lekor mortel, nou touletan sarye lamor Zezi pou ki nou lekor revel osi lavi Zezi.

2 Ko 4:16

Akoz sa nou pa perdi kouraz. Mem si nou kote fizik pe deteryore, nou kote spiritiel pe renouvle zour apre zour.

1 Pi 4:16

Me si kikenn soufer akoz li Kretien, fode pa ki zot konsider sa kouma enn dezoner; glorifie plito Bondie parski zot port so nom.