1 Pi 3:8 - Nouvo Testaman Kreol Morisien Harmonisation NTPS KM

⁸ Finalman, zot tou, zot bizin ena mem lespri, mem konpasion ek mem santiman lamour ant zot. Ena enn bon leker e viv avek limilite.

Nouvo Testaman dan Kreol Morisien

⁸ Finalman, zot tou, zot bizin ena mem lespri, mem konpasion ek mem santiman lamour ant zot. Ena enn bon leker e viv avek limilite.

1 Pi 3:8 Referans Kwoze

Let pou Romin 12:10

Ena lafeksion pou zot kamarad kouma bann frer ek ser. Ena enn gran respe pou zot kamarad.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

Ef 4:31

Met dekote tou zot lamertim, zot koler, zot laraz, zot insilt, zot mesanste; tousala bizin disparet.

Let Zak 3:17

Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodir boukou bon aksion san okenn tras partipri ou ipokrizi.

Ef 4:2

ar limilite, douser ek pasians. Ki zot soutenir zot kamarad avek amour.

Let pou Kolosien 3:12

Zot, zot bann ki Bondie finn swazir, finn sanktifie, finn kontan, alor met dan zot leker bann santiman konpasion, bienveyans, imilite, douser, pasians.

1 Ko 12:26

Si enn parti soufer, tou lezot soufer ar li; si enn gagn loner, tou lezot partaz so lazwa.

Mt 18:33

To pa panse to ti bizin ena pitie pou to kamarad serviter parey kouma mo finn ena pitie pou twa?’

1 Zn 3:14

Nou kone ki nou finn pas dan lamor pou rant dan lavi, parski nou kontan nou bann frer, nou bann ser. Dimounn ki pa kontan so prosin, li ankor prizonie pwisans lamor.

1 Ko 1:10

Dan nom nou Segner Zezi Kris, mo fer enn lapel pou ki zot tou res dakor ant zot, pou ki pena okenn divizion parmi zot e ki zot bien ini dan enn sel panse ek enn sel konviksion.

Zistwar Bann Zapot 4:32

Sa group krwayan la ti ena enn sel leker, enn sel lespri; personn pa ti dir ki so dibien pou li tousel sa, me zot ti met tou ansam an kominote.

1 Pi 5:5

Zot osi, bann zenn, zot bizin aksepte lotorite bann ansien. Zot tou bizin met lor zot enn tabliye ki apel limilite pou zot servi zot kamarad, parski Lekritir dir: “Bondie li kont bann ki ena lorgey, me li donn so lagras bann ki viv dan limilite.”

Eb 13:1

Kontigne kontan zot kamarad kouma bann frer ek ser.

2 Pi 1:7

avek latasman ar Bondie azout lafeksion ki zot ena ant zot, avek lafeksion ki zot ena ant zot azout lamour.

1 Pi 2:17

Respekte tou bann imin, kontan zot bann frer ek ser dan lafwa, ador Bondie e respekte lanperer.

Psom 103:13

Parey kouma enn papa ena konpasion anver so zanfan LESEGNER ena konpasion anver bann ki onor li.

Let Zak 5:11

Nou deklar bann-la bienere parski zot finn ena landirans. Zot finn tann landirans Zob e zot finn trouve seki Bondie finn fer, kouma li finn montre konpasion ek mizerikord pou li.

Let Zak 2:13

Bondie pou san pitie letan li ziz dimounn ki pa finn montre pitie; pitie gagn laviktwar lor zizman.

Let pou Filipien 3:16

Me kot nou finn arive, anou kontigne tini ferm dan mem direksion.

Let pou Romin 15:5

Ki Bondie ki donn landirans ek rekonfor, li osi met lakorite ant zot dapre lexanp Zezi Kris,

Zistwar Bann Zapot 28:7

Dan sa landrwa-la ti ena enn proprieter ki ti pou enn gran dimounn apel Pibliyis. Li ti resevwar nou avek boukou lamitie pandan trwa zour.

Zistwar Bann Zapot 27:3

Landime nou ti zet lank Sidon. Zilious ti tret Pol bien e li ti mem donn li permision pou al vizit so bann kamarad e pou resevwar bann kiksoz ki li ti bizin.

Zistwar Bann Zapot 2:1

Kan zour Lapantkot ti arive, tou bann krwayan ti reini ansam dan mem landrwa.

Proverb 28:8

Bann kaser ki vinn ris lor ledo lezot, pa pou kapav profit zot larzan; enn zour, dimounn ki ed bann pov ki pou erit zot rises.

Lk 10:33

Me enn Samaritin ki ti an-vwayaz, ler li ariv pre ar sa dimounn-la e kan li trouv so leta, so leker fermal.

Ef 4:32

Zot bizin ena bonte ek boukou lafeksion pou lezot; pardonn zot prosin kouma Bondie finn pardonn zot par Lekris.

Let pou Filipien 2:3

Pa fer nanye par rivalite, me avek imilite, konsider lezot meyer ki zotmem.