1 Pi 2:5 - Nouvo Testaman Kreol Morisien Harmonisation NTPS KM

⁵ Zot osi, parey kouma bann ros vivan, pran zot plas dan konstriksion enn lakaz spiritiel. Form enn kominote pret ki konsakre pou Bondie, pou kapav ofer bann sakrifis spiritiel ki fer Bondie plezir atraver Zezi Kris.

Nouvo Testaman dan Kreol Morisien

⁵ Zot osi, parey kouma bann ros vivan, pran zot plas dan konstriksion enn lakaz spiritiel. Form enn kominote pret ki konsakre pou Bondie, pou kapav ofer bann sakrifis spiritiel ki fer Bondie plezir atraver Zezi Kris.

1 Pi 2:5 Referans Kwoze

1 Pi 2:9

Me zot, okontrer, zot enn ras ki Bondie finn swazire, bann pret rwayal, enn nasion sin, Bondie so prop pep ki finn swazir pou proklam bann mervey Sa Enn ki finn apel zot pou sorti dan teneb pou rant dan so lalimier merveye.

1 Ko 3:9

Nou pe travay ansam avek Bondie, e zot, zotmem plantasion Bondie, zotmem konstriksion Bondie.

Revelasion 5:10

To finn fer zot vinn enn rwayom ek enn bann pret pou Bondie, e zot pou regne lor later.”

1 Ko 3:16

Zot tou sirman kone ki zot lekor Tanp Bondie e ki Lespri Bondie li viv dan zot.

Eb 3:6

Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Revelasion 20:6

Bann ki ti partaz sa premie rezireksion-la, zot ti vremem ere ek sin. Deziem lamor pena okenn pouvwar lor zot. Zot pou vinn pret pou Bondie ek Kris, e zot pou regn avek li pandan mil an.

1 Ko 6:19

Zot pa kone ki zot lekor enn Tanp Lespri Bondie, ki li viv dan zot, e ki Bondie ki finn donn zot sa Lespri-la? Alor zot pa apartenir ar zotmem;

Let pou Romin 12:1

Alor, mo bann frer, mo bann ser, par konpasion ki Bondie ena pou nou, mo exort zot ofer zotmem kouma bann sakrifis vivan, sin e agreab, konsakre pou servi Bondie; sa vre adorasion ki zot ofer.

Revelasion 1:6

Li finn fer nou vinn enn rwayom pret pou servi Bondie Papa. Laglwar ek pwisans pou Zezi Kris pou touzour. Amen.

Let pou Filipien 4:18

Mo finn resevwar tou, mem plis ki seki mo pou bizin. Epafrodit finn aport mwa zot bann don kouma enn sakrifis kifer plezir Bondie.

2 Ko 6:16

Ki lakor ena ant Tanp Bondie ek bann idol? Parski noumem ki Tanp Bondie vivan, kouma Bondie finn dir, “Mo pou res parmi mo pep, mo pou mars avek zot, Mo pou zot Bondie, e zot pou mo pep.”

Revelasion 3:12

Dimounn ki gagn laviktwar, mo pou fer li vinn enn kolonn dan Tanp mo Bondie e zame li pa pou kapav kit Tanp-la. Mo pou ekrir lor li nom mo Bondie, nom lavil Bondie, nouvo Zerizalem ki desann depi kot Bondie dan lesiel ek mo nouvo nom.

Let pou Romin 15:16

pou vinn enn serviter Lekris Zezi pou bann non-Zwif. Mo akonplir travay sakre anons Bonn Nouvel Bondie pou ki lepep non-Zwif vinn enn ofrand ki fer Bondie plezir e ki sanktifie par Lespri Sin.

1 Tim 3:15

Si zame mo tarde, to kone aster-la ki fason to bizin konport twa dan lakaz Bondie, samem Legliz Bondie ki vivan, kouma enn kolonn ek enn sipor ki tini laverite.

Psom 50:23

Mo bizin zis zot rekonesans. Sel sakrifis ki ena valer pou mwa. Obeir mwa e mo pou sov zot.”

Let pou Kolosien 3:17

Tou seki zot kapav dir ou fer, fer li dan nom Segner Zezi, e par li, rann gras Bondie Papa.

Let pou Filipien 2:17

Mem si mo disan bizin fane pou sakrifis ek servis zot lafwa, mo zwaye e mo rezwir avek zot tou.

Psom 141:2

Aksepte mo lapriyer kouma lafime lansan; aksepte mo lame ki leve ver twa parey lofrand aswar.

Psom 50:14

Ofer Bondie enn sakrifis aksiondegras. Onor zot promes ki zot finn fer ar Bondie Toupwisan.

1 Pi 4:11

Si kikenn koze, li bizin transmet mesaz Bondie; seki servi, li bizin servi avek lafors ki sorti kot Bondie, pou ki par Zezi Kris, nou kapav glorifie Bondie dan tou kiksoz.

Let pou Filipien 1:11

zot pou ranpli ar fri lazistis ki sorti kot Zezi Kris pou laglwar ek louanz Bondie.

Proverb 9:1

Lasazes finn konstrir so lakaz; li finn met set kolonn tini li.

Ga 6:10

Alor, tan ki nou ena letan, anou travay pou bien tou dimounn spesialman pou bann ki pros avek nou dan lafwa.

1 Pi 4:17

Ler finn arive kot zizman pou koumanse lor pep Bondie; si li koumans avek nou, kouma sa pou ete avek lezot ki dezobeir Bonn Nouvel ki sorti kot Bondie?