1 Pi 2:21 - Nouvo Testaman Kreol Morisien Harmonisation NTPS KM

²¹ Akoz samem ki Bondie finn apel zot parski Kris limem finn soufer pou zot, li finn donn zot enn lexanp pou zot swiv li.

Nouvo Testaman dan Kreol Morisien

²¹ Akoz samem ki Bondie finn apel zot parski Kris limem finn soufer pou zot, li finn donn zot enn lexanp pou zot swiv li.

1 Pi 2:21 Referans Kwoze

1 Zn 2:6

Dimounn ki dir li ini avek li, bizin mars parey kouma li.

Mt 16:24

Apre sa Zezi dir ar so bann disip, “Si kikenn oule vinn ar mwa, fode pa li mazinn zis limem, me fode li pran so lakrwa pou swiv mwa.

Zn 13:15

Mo finn donn zot sa lexanp-la pou ki zot fer parey kouma mo finn fer ar zot.

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

1 Zn 3:16

Ala kouma nou kone ki vedir lamour: Zezi Kris finn donn so lavi pou nou. Nou osi nou bizin donn nou lavi pou nou bann frer ek ser.

1 Pi 2:24

Dan so prop lekor li finn sarye nou pese lor lakrwa, pou ki nou aret viv dan pese e viv enn fason ki korek. Par so bann blesir, nou finn geri.

1 Ko 11:1

Swiv mo lexanp, parey kouma mo swiv lexanp Lekris.

1 Pi 4:1

Lekris finn soufer dan so lekor; zot osi, zot bizin ena mem konviksion, parski kan kikenn finn soufer dan so lekor, savedir li finn kas lasenn pese,

Let pou Filipien 2:5

Ena samem konportman-la parmi zot e pans parey kouma Zezi Kris finn panse.

Mt 11:29

Met mo fardo lor zot ledo, e vinn aprann ar mwa parski mo karakter li dou e mo leker ranpli ar limilite

Let pou Romin 8:29

Bondie finn met apar bann ki li ti finn swazire davans pou vinn kouma so Garson, pou ki li premie-ne parmi enn kantite frer.

Zistwar Bann Zapot 14:22

Zot ti fortifie ek ankouraz bann disip pou res ferm dan lafwa. Zot dir, “Nou bizin pas par boukou difikilte pou nou kapav rant dan Rwayom Bondie.”

1 Pi 3:18

Ofet, Zezi Kris limem li finn soufer pou pese tou dimounn; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

Mt 10:38

Seki pa pran so lakrwa pou swiv mwa, li pa dign pou vinn mo disip.

1 Pi 3:9

Pa rann lemal par lemal, oubien, insilt pou insilt; okontrer reponn par enn benediksion, parski Bondie finn promet zot benediksion kan li finn apel zot.

Zn 16:33

Mo finn dir zot tousala pou zot gagn lape an mwa. Lemond pou fer zot soufer; me gard kouraz, mo finn sorti vinker lor lemond.”

Revelasion 12:11

Me zot, zot finn gagn batay par disan Agno Bondie e par parol zot temwaniaz, parski zot pa ti telman atase ar zot lavi pou zot refiz lamor.

Eb 2:10

Li normal ki Bondie ki finn kree ek prezerv tou kiksoz, fer Zezi vinn parfe atraver lasoufrans, pou ki boukou dimounn partisip dan so laglwar. Zezi, limem linisiater zot delivrans.

2 Tim 3:12

Tou dimounn ki vremem oule viv dan Lekris pou gagn persekision dan zot lavi.

Psom 85:13

Drwatir pou mars divan LESEGNER pou prepar sime pou li.

1 Pi 1:20

Bondie finn swazir li davans, avan mem kreasion lemond e li finn revel li dan sa dernie letan-la pou zot prop bien.

1 Tes 4:2

Parski zot kone ki linstriksion nou finn donn zot atraver Segner Zezi.

1 Tes 3:3

pou ki personn parmi zot pa les zot abat par bann eprev ki nou pe fer fas. Zotmem, zot kone ki bann eprev parey fer parti plan Bondie pou nou.

Zistwar Bann Zapot 17:3

Li explik zot e montre zot ki Lekris ti bizin soufer e resisite parmi bann mor. Li dir zot, “Sa Zezi ki mo pe anons zot la, limem Lekris.”

Zistwar Bann Zapot 9:16

Momem mo pou montre li ki kantite li bizin soufer pou mwa.”

Lk 24:26

Eski Lekris pa ti bizin soufer avan li rant dan so laglwar?”

1 Pi 4:13

Okontrer, zot bizin kontan ki zot pe partaz soufrans Kris, pou ki zot kapav gonfle ar lazwa ek kontantman kan li revel li dan so laglwar.