1 Pi 2:2 - Nouvo Testaman Kreol Morisien Harmonisation NTPS KM

² Parey kouma bann zanfan ki fek ne, rod dile ki pa koupe e ki spiritiel pou ki kan zot bwar li zot kapav grandi pou gagn vre lavi,

Nouvo Testaman dan Kreol Morisien

² Parey kouma bann zanfan ki fek ne, rod dile ki pa koupe e ki spiritiel pouki kan zot bwar li zot kapav grandi pou gagn vre lavi,

1 Pi 2:2 Referans Kwoze

Ef 4:15

Okontrer, nou bizin koz laverite dan lamour pou ki dan tou domenn nou grandi dan Lekris, limem ki latet.

2 Pi 3:18

Kontigne progrese dan lagras ek konesans nou Segner ek Sover Zezi Kris. Laglwar pou li zordi ek dan leternite. Amen.

Mk 10:15

Laverite, laverite mo dir zot, dimounn ki pa akeyir Rwayom Bondie parey kouma enn ti zanfan, napa pou rant dan so Rwayom.”

1 Ko 14:20

Frer ek ser, pa rezonn kouma zanfan. Kan ena pou fer avek lemal, wi, la zot kapav kouma zanfan; me kan li konsern larezon, la zot bizin adilt.

Proverb 4:18

Me sime bann zis, li kouma lalimier gramatin; so klarte kontign ogmante ziska soley anler.

2 Tes 1:3

Nou bann frer ek ser, nou bizin touzour rann gras Bondie pou zot. Li bien ki nou fer sa, parski zot lafwa pe boukou grandi, e lamour ki sakenn ena ant zot pe osi grandi.

Mt 18:3

e li dir, “Laverite mo dir zot, si zot pa sanze e vinn kouma zanfan, zot pa pou rant dan rwayom lesiel.

Ef 2:21

Limem ki solidite sa konstriksion-la an-antie; sak bout marye ansam pou mont enn Tanp ki konsakre pou Lesegner.

Let pou Romin 6:4

Par nou batem nou finn antere avek li e nou finn partaz so lamor, pou ki nou viv enn nouvo lavi parey kouma Lekris finn resisite depi lamor par laglwar so Papa.

1 Pi 1:23

Avredir, zot finn ena enn nouvo lavi, ki pa sorti dan bann paran mortel me dan enn semans ki pa lamor ek koripsion parski li sorti dan Parol Bondie ki vivan e eternel.

Mt 19:14

Me Zezi dir, “Les bann ti zanfan vinn ar mwa, pa anpes zot parski Rwayom Lesiel pou dimounn ki parey kouma zot.”

Lk 18:17

Laverite, mo dir zot, seki pa resevwar Rwayom Bondie kouma enn zanfan pa pou kapav rant ladan.”