1 Pi 1:13 - Nouvo Testaman Kreol Morisien Harmonisation NTPS KM

¹³ Akoz samem zot bizin pare pou azir ar enn lespri eveye; met tou zot lesperans dan lagras ki Zezi Kris pou donn zot kan li pou revel li.

Nouvo Testaman dan Kreol Morisien

¹³ Akoz samem zot bizin pare pou azir ar enn lespri eveye; met tou zot lesperans dan lagras ki Zezi Kris pou donn zot kan li pou revel li.

1 Pi 1:13 Referans Kwoze

1 Pi 5:8

Pa fer zes; veye kouma bizin! Zot lennmi diab pe fer letour kouma enn lion feros; li pe rod kikenn pou devore.

Lk 12:35

Pare e gard zot lalanp alime.

1 Pi 4:7

Lafin tou kiksoz pe aprose. Zot bizin serye ek disiplinn zotmem pou zot kapav priye.

1 Pi 3:15

me dan zot leker onor Kris kouma zot Segner. Touletan zot bizin pare pou defann zot lafwa kan dimounn dimann zot explik lesperans ki dan zot;

Eb 9:28

Alor Kris, ki finn ofer limem enn sel fwa pou efas pese enn kantite dimounn, li pou paret enn deziem fwa, pa pou efas pese, me pou sov bann ki pe vremem atann so retour.

1 Zn 3:3

Dimounn ki ena sa kalite lesperans dan Kris, pou rann limem pir parey kouma li.

2 Tim 4:8

Aster-la, finn ler pou mo gagn kouronn lazistis ki Lesegner, sel bon ziz, pou donn mwa zour zizman. Pa mo tousel, me tou seki finn atann so zour dan lamour.

Ef 6:14

Pare zot! Met sintir laverite otour zot lerin, e ladrwatir kouma enn zile proteksion;

1 Ko 1:7

Zot pa mank okenn don ki Lespri Bondie done pandan ki zot pe atann Lesegner Zezi Kris aparet.

Lk 17:30

Koumsa mem pou ete zour Garson Limanite pou revel limem.

Eb 10:35

Alor pa perdi kouraz. Pa perdi konfians dan zotmem. Sa pou donn zot enn gran rekonpans.

Eb 6:19

Sa lesperans-la, li kouma enn lank solid ek stab ki tini nou lavi; lesperans-la travers rido lesiel pou rant ziska dan sanktier.

Eb 3:6

Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

2 Tim 4:5

Me twa, gard to lespri kler. Siport leprev, fer to travay predikasion Bonn Nouvel. Ranpli to servis.

1 Ko 13:13

Sa trwa kiksoz-la reste: lafwa, lesperans ek lamour. Me dan sa trwa-la, lamour pli gran.

Let pou Romin 13:13

Anou konport nou onetman kouma anplin lizour; pa viv dan fiesta, soulezon, imoralite sexiel, vis, lager ek zalouzi.

2 Tes 1:7

Bondie pou soulaz zot, ki pe soufer, e parey nou osi. Li pou fer sa kan Lesegner Zezi retourne depi dan lesiel avek so bann anz bien pwisan,

Lk 17:8

Plito zot pou dir li, ‘Prepar kiksoz pou mo manze, sanz to linz, vinn servi mwa ziska ki mo fini manze; apre sa, twa, to ava manze.’

Let pou Romin 8:19

Kreasion antie pe atann avek inpasians ki Bondie revel so bann zanfan.

Let pou Kolosien 3:4

Ler Lekris, ki zot vre lavi, pou manifeste, lerla zot ousi zot pou manifeste dan laglwar ar li.

1 Pi 1:10

Bann profet finn fer resers lor sa delivrans-la, e zot finn profetiz lor size lagras ki finn rezerve pou zot.

1 Pi 5:12

Mo pe ekrir zot sa ti let-la avek led Silas, ki mo konsider kouma enn frer serye, pou ankouraz zot e pou sertifie ki samem vre lagras Bondie; zot bizin tini ferm ladan.

Mt 20:4

Li dir zot, ‘Al dan mo karo e mo pou pey zot enn saler rezonab.’ E zot al travay.