1 Ko 9:5 - Nouvo Testaman Kreol Morisien Harmonisation NTPS KM

⁵ Eski nou pena drwa amenn nou madam Kretienn ar nou, kouma bann lezot Zapot fer, kouma bann frer Lesegner ek Kefas fer?

Nouvo Testaman dan Kreol Morisien

⁵ Eski nou pena drwa amenn nou madam Kretienn ar nou, kouma bann lezot apot fer, kouma bann frer Lesegner ek Kefas fer?

1 Ko 9:5 Referans Kwoze

Zn 1:42

Apre, li amenn Simon ar Zezi. Zezi get li fran dan so lizie e li dir li, “Twa, to apel Simon, garson Zan, aster-la to pou apel Kefas,” (seki vedir ros).

Mt 8:14

Zezi al dan lakaz Pier, li rantre e li trouv belmer Pier lor lili avek enn move lafiev

Eb 13:4

Respekte lavi maryaz. Bann ki finn marye bizin res fidel avek zot lalians parski Bondie pou ziz bann ki azir enn fason imoral ek komet adilter.

Ga 1:19

Me mo pa ti trouv okenn lezot zapot apar Zak, frer Lesegner.

1 Ko 7:39

Enn fam atase ar so mari tanki li vivan. Me si mari-la mor, fam-la lib pou remarye, me avek enn Kretien.

1 Ko 7:7

Mo ti pou kontan si tou zom ti kouma mwa. Me sak zom gagn enn don ki Bondie donn li; ena ki gagn enn kalite don, ena ki ena lot don.

Zistwar Bann Zapot 1:14

Zot tou ti plonze dan lapriyer ansam avek de-trwa fam. Parmi ti ena Marie, mama Zezi ek so bann frer.

Let pou Tit 1:6

enn pret bizin ireprosab, mari enn sel fam. So zanfan bizin krwayan ek ena bon repitasion ek bon kondwit.

1 Tim 5:2

Tret bann vie madam kouma to mama, bann zennfi kouma to ser, avek respe.

1 Tim 3:2

Levek bizin enn dimounn ki san repros, enn mari fidel, enn dimounn sinp, rezonab e respektab, ki ena lespri ouver e fode li kapav donn lansegnman.

1 Ko 7:15

Me, si seki pa krwayan-la desid pou kite ale, les li ale. Frer-la ou ser-la pena okenn lien. Bondie oule ki so zanfan viv dan lape.

1 Ko 1:12

Ala seki mo pe rod dir zot: ena pe dir, “Mo swiv Pol”; enn lot dir, “Mo swiv Apolos”; enn lot ki dir, “Mo swiv Kefas”; ankor lezot pe dir, “Mo swiv Lekris.”

Let pou Romin 16:1

Mo rekomann zot nou ser Febe ki enn diakones dan Legliz Sankre.

Zn 2:12

Apre sa, li desann Kafarnaom ansam avek so mama, so bann frer ek so bann disip. Zot finn res laba de-trwa zour.

Lk 6:15

Matie ek Toma, Zak garson Alfe ek Simon ki ti apel Zelot,

Mk 6:3

Pa limem sarpantie, garson Marie, frer Zak, Zoze, Zid ek Simon? Pa so bann ser mem ki res isi dan landrwa?” Zot ti skandalize par so manier.

Mk 1:30

Belmer Simon ti lor lili ar enn move lafiev. Bann-la raport sa Zezi.

Mt 13:55

Pa limem garson sarpantie? So mama, pa Marie? So bann frer pa Zak, Zozef, Simon ek Zida?

1 Tim 4:3

Zot pou ansegn ki fode pa marye, e zot defann manz sertenn nouritir. Pourtan Bondie finn kree sa bann nouritir-la pou ki bann krwayan ki konn laverite kapav rann li gras.

1 Ko 7:8

Me ar bann ki pa ankor marye ek bann ki vev, mo dir zot li bon ki zot res san marye kouma mwa.

Lk 8:20

Bann-la dir li, “To mama ek to bann frer pe dibout deor, zot anvi trouv twa.”