1 Ko 9:22 - Nouvo Testaman Kreol Morisien Harmonisation NTPS KM

²² Ar bann feb, mo viv kouma enn feb pou gagn zot. Mo donn tou mo posib pou sov inpe dimounn par sa manier-la.

Nouvo Testaman dan Kreol Morisien

²² Ar bann feb, mo viv kouma enn feb pou gagn zot. Mo donn tou mo posib pou sov inpe dimoun par sa manier la.

1 Ko 9:22 Referans Kwoze

1 Ko 10:33

Koumsa mem mo viv pou fer plezir tou dimounn; olie mo rod mo prop lintere, mo rod lintere tou dimounn pou ki zot kapav sap dan pese.

1 Ko 9:19

Mo enn dimounn lib, e mo pa esklav personn; pourtan mo fer mwa esklav tou dimounn pou ki mo kapav gagn pli boukou fidel posib.

Let pou Romin 15:1

Nou ki for dan lafwa, nou bizin ed bann ki feb, e pa zis rod seki fer noumem plezir.

Let pou Romin 11:14

dan lespwar ki mo kapav fer mo prop pep zalou, koumsa de-trwa kapav sove.

Ga 6:1

Mo bann frer, mo bann ser, si kikenn arive tom dan pese, zot ki ena Lespri Bondie, avek douser zot bizin ramenn li dan bon sime. Pran bien kont zotmem pou zot pa tom dan tantasion.

1 Ko 8:13

Akoz sa, si nouritir ki lakoz ki fer enn frer ou enn ser tom dan lerer, zame mo pa pou manz laviann ankor.

1 Ko 7:16

Ki kone? Apre tou, twa fam krwayan to kapav sov to mari. E twa mari krwayan to kapav sov to fam.

2 Ko 11:29

Si kikenn feb, mo santi mwa feb osi; si kikenn tonbe, mo santi douler-la.

Let pou Romin 14:1

Akeyir seki feb dan lafwa, pa diskit bann lopinion.

Let pou Romin 14:2

Lafwa enn dimounn permet li manz tou kiksoz, me enn lot ki so lafwa feb manz zis legim.

Let pou Romin 15:2

Sakenn parmi nou bizin fer so prosin plezir pou so prop bien, pou ki li progrese dan lafwa.

1 Ko 9:23

Mo fer tousala pou Bonn Nouvel pou ki mo gagn enn par.