1 Ko 9:19 - Nouvo Testaman Kreol Morisien Harmonisation NTPS KM

¹⁹ Mo enn dimounn lib, e mo pa esklav personn; pourtan mo fer mwa esklav tou dimounn pou ki mo kapav gagn pli boukou fidel posib.

Nouvo Testaman dan Kreol Morisien

¹⁹ Mo enn dimoun lib, e mo pa esklav personn; pourtan mo fer mwa esklav tou dimoun pouki mo kapav gagn pli boukou fidel posib.

1 Ko 9:19 Referans Kwoze

Ga 5:13

Me zot, mo bann frer ek ser, finn apel zot pou ki zot lib. Selman fode pa zot mal servi zot liberte e viv dapre zot prop natir imin. Okontrer, les zot gide par lamour e met zot oservis zot bann kamarad.

Mt 18:15

Si to frer krwayan ofans twa, al get li e montre li so fot kan zis zot de tousel. Si li ekoute, to pou finn regagn li kouma to frer.

1 Ko 10:33

Koumsa mem mo viv pou fer plezir tou dimounn; olie mo rod mo prop lintere, mo rod lintere tou dimounn pou ki zot kapav sap dan pese.

1 Tim 4:16

Vey lor twa ek lansegnman ki to done. Persevere. Koumsa mem to pou sov tomem anmemtan ki to sov bann ki ekout twa.

2 Tim 2:10

Mo pe siport tousala pou bann ki Bondie finn swazir. Alor Lekris Zezi pou sov zot ek zot pou gout laglwar eternel.

2 Ko 4:5

Dan nou predikasion, nou pa anons noumem, me nou proklam Zezi Kris kouma Segner, ek noumem nou zot serviter akoz Zezi.

Let pou Romin 15:2

Sakenn parmi nou bizin fer so prosin plezir pou so prop bien, pou ki li progrese dan lafwa.

1 Pi 3:1

Bann madam, zot osi, soumet ar zot mari. Mem si sertin mari pa krwar Parol Bondie, zot pou kapav benefisie atraver konportman zot fam,

1 Ko 9:1

Eski mo pa lib mwa? Eski mo pa enn Zapot, mwa? Eski mo pa finn trouv Zezi nou Segner? Eski zot pa rezilta travay ki mo finn fer dan Lesegner?

Let pou Romin 1:14

Li mo devwar pou al kot tou dimounn, bann sivilize ek bann ki pa sivilize, bann edike, bann ki pa edike.

Proverb 11:30

Enn bon dimounn, li kouma enn pie ki donn lavi; me laviolans, souvan amenn lamor.

Ga 5:1

Kris finn liber nou pou ki nou vinn vremem lib. Alor zot bizin tini ferm, pa les zot kraze anba fardo lesklavaz ankor.

1 Ko 7:16

Ki kone? Apre tou, twa fam krwayan to kapav sov to mari. E twa mari krwayan to kapav sov to fam.

Let pou Romin 11:14

dan lespwar ki mo kapav fer mo prop pep zalou, koumsa de-trwa kapav sove.

1 Ko 10:29

mo pa pe koz to konsians, me konsians lot-la. Kifer mo liberte bizin depann lor konsians enn lot?

2 Ko 4:15

Tousala li pou zot benefis. E letan lagras Bondie tous plis dimounn ankor, sa pou ogmant lapriyer rekonesans ki exprim laglwar Bondie.

2 Ko 12:14

Mo pare pou vinn vizit zot pou trwaziem fwa. Mo pa pou enn fardo lor zot, parski mo pa pe rod zot dibien, me zotmem. Pa bann zanfan ki ramas larzan pou zot paran, me paran ki pran swin zanfan.