1 Ko 9:18 - Nouvo Testaman Kreol Morisien Harmonisation NTPS KM

¹⁸ Alor, ki mo rekonpans? Satisfaksion ki mo gagne pou anons gratwitman Bonn Nouvel san ki mo profit drwa ki sa Bonn Nouvel-la donn mwa.

Nouvo Testaman dan Kreol Morisien

¹⁸ Alor, ki mo rekonpans? Satisfaksion ki mo gagne pou anons gratwitman Bonn Nouvel san ki mo profit drwa ki sa Bonn Nouvel la donn mwa.

1 Ko 9:18 Referans Kwoze

1 Tes 2:6

Nou pa finn rod okenn loner ar personn, ni ar zot ni ar lezot dimounn,

1 Ko 8:9

Alor to bizin fer atansion ki sa liberte ki to servi la li pa fer enn lot ki feb dan lafwa tom dan lerer.

2 Ko 4:5

Dan nou predikasion, nou pa anons noumem, me nou proklam Zezi Kris kouma Segner, ek noumem nou zot serviter akoz Zezi.

1 Ko 10:33

Koumsa mem mo viv pou fer plezir tou dimounn; olie mo rod mo prop lintere, mo rod lintere tou dimounn pou ki zot kapav sap dan pese.

1 Ko 7:31

bann ki servi seki ena dan sa lemond-la, komsi zot pa gagn profi ladan. Parski sa lemond-la, dan form ki li ete aster-la, li pa pou res lontan.

Let pou Romin 14:15

Si to bles enn frer ou enn ser akoz enn aliman ki to manze, alor to nepli pe azir par lamour. Pa les sa aliman ki twa to manze la koz lapert pou enn lot dimounn pou ki Lekris finn donn so lavi.

Zn 4:36

Kouper-la pe deza tous so lapey e li pe ramas so rekolt pou lavi eternel; lerla, toule-de, planter ek kouper pou fet lakoup ansam.

Zistwar Bann Zapot 18:3

e parski li ti fer mem metie ki zot, li ti res kot zot pou travay ansam. Zot ti bann fabrikan latant.

1 Ko 3:8

Seki plante ek seki aroze ena enn mem rezon travay, e Bondie pou rekonpans sakenn dapre so travay.

1 Ko 9:12

Si lezot kapav gagn zot soutien, eski nou, nou pa merit li plis ankor? Me nou pa finn servi sa drwa-la. Okontrer nou finn siport tou pou ki pena okenn obstak ki blok Bonn Nouvel Lekris.

1 Ko 9:15

Mwa mo pa finn servi okenn sa bann drwa-la. E mo pa pe ekrir dan lespwar ki zot pou donn mwa kit privilez pou mwa. Mo ti'a prefere mor, ki mo les kikenn pran sa fierte-la ar mwa.

1 Ko 9:17

Si mo ti swazir sa travay-la par momem mo ti pou ena drwa enn saler. Me si sa finn inpoze lor mwa, alor mo oblize pran sa sarz-la pou nanye, san gagn lapey.