1 Ko 8:3 - Nouvo Testaman Kreol Morisien Harmonisation NTPS KM

³ Me dimounn ki kontan Bondie, Bondie osi kontan li.

Nouvo Testaman dan Kreol Morisien

³ Me dimoun ki kontan Bondie, Bondie osi kontan li.

1 Ko 8:3 Referans Kwoze

2 Tim 2:19

Me fondasion ki Bondie finn mete li solid. Finn ekrir lor la: Lesegner konn so dimounn. Tou dimounn ki priy Lesegner bizin evit lemal.

1 Ko 2:9

Me kouma Lekritir deklare, “Seki lizie pa finn trouve, seki zorey pa finn tande, seki okenn dimounn pa finn panse kapav arive, samem ki Bondie finn prepare pou dimounn ki kontan li.”

Ga 4:9

Me aster-la zot konn Bondie - ou plito aster-la Bondie konn zot - kouma zot kapav retourn ankor anba sa bann move lespri ki feb ek pov-la? Zot anvi revinn esklav bann-la ankor?

Revelasion 2:19

Mo konn tou to travay, to lamour, to lafwa, to servis ek to landirans. Mo kone ki to ankor pli aktif ki avan.

Let Zak 1:12

Li pou bienere sa dimounn ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

Zn 10:14

Momem bon berze, mo konn mo brebi e mo brebi konn mwa.

Mt 7:23

Lerla li pou dir zot, ‘Zame mo pa finn konn zot; sorti la ale, zot ki komet lemal.’

Psom 1:6

LESEGNER protez e gid lavi dimounn ki zis, me bann ki fer move pou zwenn lapert ek lamor.

1 Zn 4:19

Nou, nou kontan nou kamarad parski Bondie finn kontan nou an premie.

Revelasion 2:9

Mo konn to leprev ek to lamizer, me an realite to ris! Mo konn bann dimal ki zot dir lor twa. Zot fer krwar, zot Zwif, me pa ditou, zot plito enn sinagog Satan.

1 Pi 1:8

Mem si zot pa finn trouv li, zot kontan li; e mem si zot pa trouv li aster-la, zot krwar dan li e zot rezwir dan enn lazwa extraordiner ki pa kapav exprime,

Psom 17:3

Si to examinn fon mo leker; si pandan lanwit to vey mwa, si to teste mwa, to pa pou trouv okenn blam kont mwa. Mo labous zame dir move kiksoz

Revelasion 2:13

Mo kone kot to reste; la akot tronn Satan ete. Me to finn tini ferm ar mwa e to pa finn renie to lafwa, mem dan letan Antipas mo temwin fidel ki ti trouv lamor kot zot, la akot Satan reste.

Zn 21:17

Zezi demann li enn trwaziem fwa, “Simon garson Zan, eski to kontan mwa?” Pier sagrin ki Zezi demann li enn trwaziem fwa, “Eski to kontan mwa?” Lerla Pier reponn, “Segner, to konn tou, to kone ki mo kontan twa.” Zezi dir li, “Donn manze mo bann mouton.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

Let pou Romin 11:2

Bondie pa ti rezet so pep ki li ti kone davans. Zot kone ki Lekritir dir letan Eli ti sipliye Bondie pou Izrael:

1 Ko 13:12

Aster-la nou trouv flou kouma dan enn vie laglas, me enn zour pou arive kot nou pou trouv fasafas. Aster-la mo konesans li limite, me plitar mo pou konn Bondie dan enn fason konple, parey kouma Bondie konn mwa.

1 Zn 4:7

Mo bann frer ek ser bieneme, nou bizin kontan nou kamarad, parski lamour sorti kot Bondie. Dimounn ki kontan so kamarad, li sorti kot Bondie e li konn Bondie.