1 Ko 3:9 - Nouvo Testaman Kreol Morisien Harmonisation NTPS KM

⁹ Nou pe travay ansam avek Bondie, e zot, zotmem plantasion Bondie, zotmem konstriksion Bondie.

Nouvo Testaman dan Kreol Morisien

⁹ Nou pe travay ansam avek Bondie, e zot, zotmem plantasion Bondie, zotmem konstriksion Bondie.

1 Ko 3:9 Referans Kwoze

1 Pi 2:5

Zot osi, parey kouma bann ros vivan, pran zot plas dan konstriksion enn lakaz spiritiel. Form enn kominote pret ki konsakre pou Bondie, pou kapav ofer bann sakrifis spiritiel ki fer Bondie plezir atraver Zezi Kris.

2 Ko 6:1

Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

1 Ko 3:16

Zot tou sirman kone ki zot lekor Tanp Bondie e ki Lespri Bondie li viv dan zot.

Mk 16:20

So bann disip sorti e zot al proklam Bonn Nouvel partou kote; Lesegner ti pe travay avek zot e bann mirak ki ti pe arive ti pe montre ki zot predikasion ti vre.

Mt 9:37

Lerla li dir so bann disip, “Ena enn gran rekolt, me pena ase travayer.

1 Ko 3:6

Mwa mo finn plant lagrin, Apolos finn aroze, me Bondie ki finn fer pouse.

Let pou Kolosien 2:7

gard zot rasinn plante an li, tini ferm dan lafwa, dan manier ki finn ansegn zot, e les zot rekonesans deborde.

Ef 2:10

Nou, nou louvraz Bondie, li finn fasonn nou, li finn kree nou dan Zezi Kris pou ki nou realiz bann bon aksion ki Bondie finn prepare davans.

1 Ko 6:19

Zot pa kone ki zot lekor enn Tanp Lespri Bondie, ki li viv dan zot, e ki Bondie ki finn donn zot sa Lespri-la? Alor zot pa apartenir ar zotmem;

Zistwar Bann Zapot 4:11

Zezi ‘Limem ros ki zot, bann mason, zot ti rezete me li finn vinn ros prinsipal.’

3 Zn 1:8

Se pou sa, ki nou bizin soutenir bann dimounn koumsa, pou ki nou kapav vinn bann kolaborater dan laverite.

1 Tim 3:15

Si zame mo tarde, to kone aster-la ki fason to bizin konport twa dan lakaz Bondie, samem Legliz Bondie ki vivan, kouma enn kolonn ek enn sipor ki tini laverite.

2 Ko 6:16

Ki lakor ena ant Tanp Bondie ek bann idol? Parski noumem ki Tanp Bondie vivan, kouma Bondie finn dir, “Mo pou res parmi mo pep, mo pou mars avek zot, Mo pou zot Bondie, e zot pou mo pep.”

Psom 118:22

Ros ki mason ti rezete, zordi li ros prinsipal ki pe tini soubasman.

Psom 72:16

Fer ki so rwayom gagn lakoup rekor; fer ki karo ek vale donn manze an kantite kouma lor bann montagn Liban. Fer ki bann lavil ranpli ar dimounn kouma karo ranpli ar lerb.

Eb 3:6

Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Mt 16:18

E mo dir twa Pier, to enn ros, e lor sa ros-la mo pou konstrir mo Legliz, e pwisans lamor pa pou kapav dominn li.

Proverb 9:1

Lasazes finn konstrir so lakaz; li finn met set kolonn tini li.

Mt 15:13

Li reponn, “Tou bann plant ki mo papa pa finn plante pou derasine.