1 Ko 3:5 - Nouvo Testaman Kreol Morisien Harmonisation NTPS KM

⁵ Apre tou, ki Apolos ete? Ki Pol ete? Nou zis bann serviter ki Bondie finn servi pou fer zot gagn lafwa. Sakenn finn servi don ki Lesegner finn konfie li.

Nouvo Testaman dan Kreol Morisien

⁵ Apre tou, ki Apolos ete? Ki Pol ete? Nou zis bann serviter ki Bondie finn servi pou fer zot gagn lafwa. Sakenn finn servi don ki Lesegner finn konfie li.

1 Ko 3:5 Referans Kwoze

2 Ko 6:4

Okontrer, nou prezant noumem dan tou sirkonstans kouma bann serviter Bondie; nou siport bann soufrans, detres, angwas,

2 Ko 6:1

Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

1 Pi 4:10

Sakenn, parey kouma enn bon serviter, servi bien bann diferan kalite lagras ki Bondie finn donn zot.

2 Ko 3:6

Limem ki fer nou vinn enn minis konpetan pou servi nouvo lalians, ki pa depann lor lalwa ki ekrir me lor Lespri. Lalwa amenn lamor, me Lespri donn lavi.

2 Ko 11:23

Bann-la serviter Lekris? Mo pou dir enn foli la: mo meyer serviter ki zot. Mo finn travay plis ki zot; mo finn fer plis prizon ki zot; mo finn plis gagn bate, e mo finn pas pre ar lamor plis ki zot.

2 Ko 4:7

Sa trezor spiritiel la nou pe sarye li dan nou, ki kouma bann po later. Koumsa li kler ki sa pwisans extraordiner la li sorti kot Bondie, pa nou ki ena sa.

2 Ko 4:5

Dan nou predikasion, nou pa anons noumem, me nou proklam Zezi Kris kouma Segner, ek noumem nou zot serviter akoz Zezi.

2 Ko 3:3

Li kler ki zot enn let ki sorti kot Lekris, ki transmet par nou. Li pa finn ekrir ar lank, me avek Lespri Bondie vivan; li pa grave lor bann tablet ros, me dan leker bann imin.

1 Ko 3:10

Dapre lagras ki Bondie finn donn mwa, mo finn poz enn fondasion kouma enn arsitek intelizan, me enn lot pe konstrir lor la. Sakenn bizin fer bien atansion manier ki li pe konstrir.

1 Ko 12:28

Bondie finn met tou anplas dan Legliz. Premie, li finn met Zapot, deziem bann profet, trwaziem bann ki responsab pou ansegne, apre bann ki akonplir mirak, apre bann ki kapav geri malad, bann ki ed lezot, bann ki diriz travay Legliz, e bann ki koz langaz ki ena parol etranz.

1 Ko 9:17

Si mo ti swazir sa travay-la par momem mo ti pou ena drwa enn saler. Me si sa finn inpoze lor mwa, alor mo oblize pran sa sarz-la pou nanye, san gagn lapey.

1 Ko 3:7

Alor dimounn ki finn plante ek dimounn ki finn aroze pena linportans, me zis Bondie ki fer tou kiksoz pouse ki konte.

Zn 3:27

Zan reponn zot, “Personn pa kapav gagn okenn pouvwar si lesiel pa finn donn li.

Lk 1:2

Zot finn baz zot zistwar lor bann temwin ki finn trouv seki finn pase, e lor parol bann seki finn gagn lord transmet sa bann evennman-la depi koumansman.

Mt 25:15

Li donn enn sink talan, enn lot de talan e enn lot enn sel talan, sakenn dapre so kapasite, lerla li ale.

Let pou Kolosien 1:25

mo finn vinn serviter par sarz ki Bondie finn konfie mwa pou zot: fer konn Parol Bondie,

Ef 3:7

Bondie finn fer mwa serviter Bonn Nouvel par don lagras ki li ti fer mwa letan li ti azir par so pwisans.

Zistwar Bann Zapot 18:24

Enn Zwif ki ti apel Apolos, e ki sorti Aleksandri, ti vinn Efez. Li ti enn gran orater, e li ti ena enn gran konesans Lekritir.

Zistwar Bann Zapot 19:1

Letan Apolos ti Korint, Pol ti travers bann provins dan montagn pou al Efez. Laba li ti zwenn de-trwa disip.

Let pou Romin 15:16

pou vinn enn serviter Lekris Zezi pou bann non-Zwif. Mo akonplir travay sakre anons Bonn Nouvel Bondie pou ki lepep non-Zwif vinn enn ofrand ki fer Bondie plezir e ki sanktifie par Lespri Sin.

1 Ko 3:22

Ki li Pol, oubien Apolos, oubien Kefas, ki li lemond ou lavi ou lamor, prezan ou lavenir, tou kiksoz li pou zot.

1 Ko 16:12

Aster, konsernan nou frer Apolos. Mo finn ankouraz li fer zot enn vizit ansam avek lezot frer, me li pa interese vini aster-la. Kouma li gagn enn lokazion li pou vini.

2 Ko 4:1

Parski par mizerikord Bondie, nou ena enn minister pou akonpli, nou pa kapav perdi kouraz.

2 Ko 5:18

Tousala travay Bondie, ki rekonsilie nou ar limem par Lekris, e li finn donn nou sa minister rekonsiliasion la.

Let pou Kolosien 1:23

Me bizin ki, par lafwa, zot res solid ek ferm, san ki zot tom andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel-la.

1 Tim 1:12

Mo rann gras Zezi Kris nou Segner, mo lafors, parski li finn fer mwa konfians, li finn swazir mwa kouma so serviter.