1 Ko 2:6 - Nouvo Testaman Kreol Morisien Harmonisation NTPS KM

⁶ Mo bizin dir kanmem, ki nou servi lasazes pou koz ar dimounn ki finn bien grandi dan zot lafwa. Li pa enn sazes ki sorti dan lemond, ni sazes bann ki pe regne lor sa lemond-la, zot enn bann pwisans ki pe al tengn.

Nouvo Testaman dan Kreol Morisien

⁶ Mo bizin dir kanmem, ki nou servi lasazes pou koz ar dimoun ki finn bien grandi dan zot lafwa. Li pa enn sazes ki sorti dan lemonn, ni sazes bann ki pe regne lor sa lemonn la, zot enn bann pwisans ki pe al tegn.

1 Ko 2:6 Referans Kwoze

Eb 5:14

Par kont manze solid li pou bann adilt ki konn disern seki bien ek seki mal.

Let Zak 3:15

Enn lasazes parey pa sort dan lesiel; li sorti depi later, li imin ek mem diabolik.

2 Ko 4:4

Zot pa krwar parski bondie lemal dan sa lemond-la finn fer zot lespri aveg pou ki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors ek ranz zot lexistans lor enn baz solid.

1 Ko 2:8

Okenn pwisans lemond pa ti konpran sa. Si zot ti konpran, zot pa ti pou krisifie Lesegner laglwar.

1 Ko 1:28

Bondie finn swazir seki pli piti, seki meprize, seki mem pa existe, pou fer seki existe vinn nanye ditou,

Let pou Kolosien 4:12

Epafras, ki enn parmi zot e enn serviter Zezi Kris, dir zot bonzour. Li touzour priy pou zot avek tou so leker, pou ki zot res ferm, avek bann konviksion for, e ki zot donn enn wi total pou fer volonte Bondie.

Ef 2:2

Lontan zot ti pe viv sa lavi-la; sa lepok-la zot ti pe swiv bondie sa lemond-la, sa prins ki ant lesiel ek later, sa lespri ki pe azir aster parmi bann ki opoz Bondie.

Mt 5:48

Zot bizin parfe parey kouma zot Papa ki dan lesiel li parfe.”

2 Ko 1:12

Rasinn nou fierte, se temwaniaz nou konsians: nou konportman dan lemond e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

Psom 33:10

LESEGNER kas plan bann diferan popilasion; Li anpes zot realiz zot bann proze.

Let Zak 3:2

Nou tou fer fot. Kikenn ki pa fer fot kan li koze, li enn dimounn parfe ki kapav kontrol tou so lekor.

2 Ko 13:11

Finalman, bann frer ek bann ser, viv dan lazwa, fer zefor pou vinn parfe, ankouraz zot kamarad, res dakor ant zot, viv dan lape, e Bondie ki lamour ek lape pou avek zot.

1 Ko 14:20

Frer ek ser, pa rezonn kouma zanfan. Kan ena pou fer avek lemal, wi, la zot kapav kouma zanfan; me kan li konsern larezon, la zot bizin adilt.

1 Ko 2:13

Samem kiksoz nou koze, pa par sazes ki lespri imin finn montre nou, me par bann parol ansegne par Lespri ki interpret bann verite spiritiel dan enn langaz spiritiel.

1 Ko 2:1

Frer ek Ser, letan mo ti vinn kot zot pou rann temwaniaz lor Bondie, mo pa ti vinn avek enn langaz konplike ni avek enn sazes siperyer.

Lk 16:8

Patron-la felisit sef kontab malonet la parski li ti debrouyar. Bann zanfan lemond pli debrouyar ki zanfan lalimier kan ena pou dres papie pou tras zot lavi.

Mt 19:21

Zezi dir li, “Si to anvi vinn parfe, ale, vann tou to dibien, donn bann pov e to pou gagn enn trezor dan lesiel; apre sa vini, swiv mwa.”

Mt 13:22

Seki finn seme dan pikan, li resanble sa dimounn ki tann laparol, me bann problem lavi toulezour, lamour dibien materyel touf tou e li pa raport okenn fri.

Psom 37:37

Pran kont bon dimounn; get konportman dimounn drwat. Dimounn ki travay pou lape li ena desandan;

Psom 146:4

Kan zot mor, zot vinn lapousier; sa zour-la tou zot plan mor ansam ar zot.

1 Ko 3:1

Frer, ser; mo pa finn kapav koz ar zot kouma bann dimounn ki ena Lespri, me kouma bann dimounn dan lemond, kouma bann ti-baba dan lafwa Kretien.

1 Ko 12:8

Lespri Bondie donn enn dimounn enn mesaz ranpli ar sazes, me pou enn lot dimounn mem Lespri donn enn mesaz ranpli ar konesans.

2 Ko 4:3

E mem si nou Bonn Nouvel vwale, li vwale pou bann ki dan perdision.

Let pou Kolosien 1:28

Limem ki nou pe anonse; nou pe inform sakenn, nou pe instrir sakenn ek tou lasazes, pou fer li grandi spiritielman dan so relasion avek Lekris.

Eb 6:1

Alor, anou les dekote bann lansegnman elemanter lor Lekris pou nou grandi kouma bann adilt. Nou pena pou retourn lor bann premie leson, kouma: aret nou bann move aksion ki amenn lamor e krwar dan Bondie;