1 Ko 15:3 - Nouvo Testaman Kreol Morisien Harmonisation NTPS KM

³ Mo finn transmet zot, avan tou, seki mo finn resevwar momem: ki Lekris finn mor pou nou pese dapre seki Lekritir finn anonse;

Nouvo Testaman dan Kreol Morisien

³ Mo finn transmet zot, avan tou, seki mo finn resevwar momem: ki Lekris finn mor pou nou pese dapre seki Lekritir finn anonse;

1 Ko 15:3 Referans Kwoze

1 Pi 2:24

Dan so prop lekor li finn sarye nou pese lor lakrwa, pou ki nou aret viv dan pese e viv enn fason ki korek. Par so bann blesir, nou finn geri.

Ga 1:4

Zezi Kris, finn donn limem pou nou pese e li finn delivre nou dan sa lemond move la dapre volonte Bondie nou Papa.

1 Zn 2:2

Li finn ofer limem kouma sakrifis pou nou pese, pa zis pou nou tousel me osi pou pese lemond antie.

Ga 1:12

e mo pa finn gagn li depi enn zom, e personn pa finn ansegn mwa sa, me li sorti atraver enn revelasion Zezi Kris.

Revelasion 1:5

e kot Zezi Kris, temwin fidel, premie-ne parmi bann mor e dirizan bann lerwa lor later. Zezi Kris kontan nou, par so lamor li finn tir nou dan nou pese.

Let pou Romin 4:25

Li ti finn livre dan lame lamor pou nou bann pese, e li finn releve pou rann nou zis devan Bondie.

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

2 Ko 5:21

Lekris pa ti ena pese, me Bondie finn met nou pese lor li, pou ki letan nou ini ansam ar li, nou rant dan enn lavi akseptab devan Bondie.

1 Ko 11:23

Mo finn resevwar depi Lesegner tou seki mo finn transmet zot: Lesegner Zezi, lanwit ki ti trayir li, li ti pran dipin

Zistwar Bann Zapot 3:18

Dan sa fason-la Bondie finn akonpli seki li ti anonse par bann profet, ki so Mesi pou soufer.

Zn 1:29

Landime, Zan trouv Zezi pe vini e li dir, “Get Agno Bondie ki tir pese lemond;

1 Pi 1:11

Zot finn fer zefor pou dekouver ki lepok e dan ki sirkonstans ki Lespri Kris ki dan zot, ti predir soufrans ki Kris ti pou soufer ek laglwar ki ti pou swiv apre.

Ef 1:7

Dan Lekris, nou finn gagn delivrans par so disan, dan Lekris nou bann fot finn pardone dapre rises so lagras.

Ga 3:13

Kris, ki ti vinn enn malediksion pou nou, finn peye pou delivre nou depi sa malediksion-la, parski finn ekrir: “Malediksion pou dimounn ki pandi ar pie.”

Let pou Romin 3:25

Bondie finn ofer li kouma sakrifis pou ki par lamor Lekris dimounn gagn pardon zot pese par lafwa ki zot ena dan li. Li ti fer sa pou montre so lazistis, parski dan so pasians li ti les bann pese ki ti komet avan res san pinision;

Mt 26:28

parski samem mo disan, disan lalians ki mo verse pou tou dimounn e pou ki zot pese pardone.

1 Pi 3:18

Ofet, Zezi Kris limem li finn soufer pou pese tou dimounn; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

Eb 5:3

Akoz sa li oblize ofer sakrifis pou so prop pese e osi pou pese tou lezot dimounn.

Eb 5:1

Sak gran pret ki finn swazire parmi bann zom, finn mandate pou azir dan faver tou bann imin dan zot relasion avek Bondie, pou ofer bann don ek sakrifis.

1 Ko 11:2

Mo felisit zot parski zot ankor rapel mwa dan tou kiksoz, ek zot ankor swiv tradision Kretien ki mo finn kit ar zot.

Mt 26:24

Garson Limanite pe al mor dapre seki finn ekrir lor li, me maler pou sa dimounn ki pe trayir Garson Limanite! Pou limem vomie, li pa ti ne.”

Lk 24:25

Lerla li dir zot, “Bann san konpran, kouma zot leker pran letan pou krwar tou seki bann profet finn rakonte.

Zistwar Bann Zapot 8:32

Ala pasaz Lekritir ki li ti pe lir: “Parey kouma enn mouton ki zot pe amenn labatwar kouma enn agno bien trankil devan bann ki pe koup so lalenn, li pa ouver so labous.

Zistwar Bann Zapot 17:2

Pol ti zwenn bann Zwif dan sinagog kouma li ti abitie. Trwa saba aswiv li ti diskit laparol ar zot.