1 Ko 15:2 - Nouvo Testaman Kreol Morisien Harmonisation NTPS KM

² Par sa Bonn Nouvel-la ki zot sove, si zot res atase dan enn fason ferm ar parol ki mo finn anonse. Sinon, savedir zot finn krwar dan vid.

Nouvo Testaman dan Kreol Morisien

² Par sa Bonn Nouvel la ki zot sove, si zot res atase dan enn fason ferm ar parol ki mo finn anonse. Sinon, savedir zot finn krwar dan vid.

1 Ko 15:2 Referans Kwoze

Eb 3:6

Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Eb 2:1

Akoz samem nou bizin res ferm avek seki nou finn tande, pou ki nou pa derape.

Eb 3:14

Ofet nou enn partner avek Lekris, si nou gard sa konfians ki nou ena depi koumansman la, ziska lafin.

2 Tim 1:9

Li finn sov nou ek li apel nou, non pa akoz nou kapasite, me par so prop volonte. Li donn nou so lagras dan Lekris Zezi avan tou siek.

Let pou Kolosien 1:23

Me bizin ki, par lafwa, zot res solid ek ferm, san ki zot tom andeor lesperans ki vinn par Bonn Nouvel ki zot finn tande, ki finn proklame ar tou kreatir anba lesiel. Mwa Pol mo finn vinn serviter sa Bonn Nouvel-la.

Ef 2:8

Par lagras ki zot sove, par mwayin lafwa; zot, zot pa finn fer nanye, sa enn kado Bondie sa.

1 Ko 1:18

Parski mesaz lor lamor Lekris lor lakrwa li enn foli pou seki dan perdision, me pou nou ki Bondie pe sove, sa parol-la samem pwisans Bondie.

Let Zak 2:26

Parey kouma enn lekor san lespri li mor, nou lafwa osi san bann aksion, li mor.

Let Zak 2:14

Mo bann frer ek ser, ki sa servi zot si kikenn pe dir, “Mo ena lafwa,” si li pa prouv li par bann aksion? Eski sa kalite lafwa-la kapav sov twa?

Eb 10:23

Anou tini ferm lesperans ki nou proklame, parski Bondie gard touzour so promes.

Lk 8:13

Seki tom lor ros, sa bann ki tann laparol e zot resevwar li dan lazwa; me zot pena rasinn, zot krwar pou enn letan e kan difikilte vini zot abandonn lafwa.

Let Zak 2:17

Li parey avek lafwa: si li pena okenn bon aksion, li enn lafwa mor.

Eb 4:14

Parski nou ena enn gran pret, Zezi Garson Bondie, ki finn travers lesiel ziska dan prezans Bondie, anou tini ferm dan lafwa ki nou konfese.

2 Tes 2:15

Mo bann frer ek ser, tini ferm avek sa tradision ki nou finn montre zot la, ki li par parol ou par let.

Ga 3:4

Eski zot finn fer tou sa bann lexperyans-la pou nanye? Pa kapav tousala pou nanye.

2 Ko 6:1

Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

Let pou Romin 1:16

Mo ena konfians total dan Bonn Nouvel. Limem lafors ki Bondie servi pou sov tou seki krwar, bann Zwif dabor, me osi bann non-Zwif.

Proverb 4:13

Gard dan to memwar lansegnman ki to finn gagne; napa les li sape. Vey li bien, kouma to vey to prop lavi.

Proverb 3:1

Mo zanfan, pa bliye mo lansegnman, dan fon to leker, to ava gard mo bann komannman.

2 Ko 2:15

An-efe nou enn parfin ki Lekris ofer Bondie. Nou sa bon loder parfin la pou seki Bondie pe sove ek seki lor sime perdision.

1 Ko 15:14

E si Lekris pa finn resisite, nou predikasion pena sans, e zot lafwa dan vid.

1 Ko 1:21

Bann imin avek tou zot sazes pa finn kapav rekonet Bondie, la kot li finn manifeste so sazes. Akoz sa ki Bondie finn desid pou sov seki krwar par so mesaz swadizan fou.

Let pou Romin 11:22

Konsider bonte ek severite Bondie. Li sever ar bann ki ti tonbe, e li bon anver twa, si to kontign res dan so bonte. Sinon, pou koup twa kouma brans.

Zistwar Bann Zapot 8:13

Mem Simon ti krwar. Apre so batem li ti res avek Filip e li ti etone kan li ti trouv bann sign ek mirak ki ti pe arive.

Zistwar Bann Zapot 2:47

Zot ti loue Bondie e ti gagn lestim tou bann dimounn. Toulezour Lesegner ti pe sov dimounn ki li ti pe azout dan zot group.

Proverb 23:23

Touletan rod laverite, zame pa rezet li; kiltiv lasazes, linstriksion ek disernman.

1 Ko 11:2

Mo felisit zot parski zot ankor rapel mwa dan tou kiksoz, ek zot ankor swiv tradision Kretien ki mo finn kit ar zot.