1 Ko 15:13 - Nouvo Testaman Kreol Morisien Harmonisation NTPS KM

¹³ Si pena rezireksion bann mor, alor dan sa ka-la mem Lekris pa finn resisite.

Nouvo Testaman dan Kreol Morisien

¹³ Si pena rezireksion bann mor, alor dan sa ka la mem Lekris pa finn resisite.

1 Ko 15:13 Referans Kwoze

Let pou Romin 8:11

Si Lespri Bondie, ki ti resisit Zezi, pe viv dan zot, Sa-Enn ki ti resisit Zezi la pou donn lavi zot lekor mortel par so Lespri ki viv dan zot.

1 Tes 4:14

Nou krwar ki Zezi finn mor e resisite, alor atraver Zezi, Bondie pou revey bann ki finn mor dan Lesegner.

Revelasion 1:18

momem lasours lavi, mo ti finn mor, aster-la gete, mo vivan pou leternite; e mo ena pouvwar lor lamor e mo posed lakle laport Ades.

1 Pi 1:3

Ki Bondie, Papa nou Segner Zezi Kris, li beni; parski dan so gran mizerikord, li finn donn nou enn nouvo lavi ler li resisit Zezi depi bann mor, e li donn nou enn lesperans vivan;

Eb 13:20

Bondie, lasours lape, finn resisit nou Segner Zezi, gran Berze bann mouton, ki finn vers so disan ki garanti enn lalians eternel.

Eb 2:14

Parski sa bann zanfan-la, zot ena enn natir imin ki fer avek laser ek disan. Zezi osi partaz sa mem natir-la. Li finn mor e atraver so lamor li finn detrir Satan ki ena pouvwar touy dimounn.

2 Tim 4:8

Aster-la, finn ler pou mo gagn kouronn lazistis ki Lesegner, sel bon ziz, pou donn mwa zour zizman. Pa mo tousel, me tou seki finn atann so zour dan lamour.

1 Ko 15:20

Me non; Lekris finn resisite depi bann mor, limem premie resisite.

Let pou Romin 8:23

Me pa zis kreasion ki pe soupire. Nou osi; nou ki ena premie fri Lespri, nou soupire dan fon noumem pandan ki nou pe atann ki Bondie adopte nou, e akord nou delivrans total.

Zistwar Bann Zapot 23:8

(Bann Sadiseen dir ki pena ni larezireksion, ni anz, ni lespri; me bann Farizien aksepte tousala.)

1 Ko 15:12

Me si nou anons ki Lekris finn resisite parmi bann mor, alor kouma ena parmi zot pe dir ki pena rezireksion bann mor?

1 Ko 15:14

E si Lekris pa finn resisite, nou predikasion pena sans, e zot lafwa dan vid.